الەمدە جوق ميتينگى باستالدى! مينيسترلەر ميتينگىگە شىقتى! «اناۋ–مىناۋ» ءمينيسترى شىرەنگەن بىلقەتپەسۇلى ءسوز الدى:
ء–بىزدىڭ ايلىعىمىز نەگە ميلليوننان اسىپ كەتكەن؟ ايلىق الاردا اقشا ساناۋعا ەرىنەمىز! ۇكىمەتتەن ايلىعىمىزدى قىسقارتۋدى، جاسىرىن جەمقورلىقپەن اينالىسۋىمىزعا مۇمكىندىك جاساۋدى تالاپ ەتەمىز!
–دۇرىس ايتاسىز! –دەپ قوشتادى دەپۋتات ۇيقىباس مارعاۋۇلى ەلپىلدەپ،–دەپۋتاتتار دا سىزدەرگە قوسىلىپ، ميتينگىگىە شىعىپ وتىرمىز! ءبىزدىڭ دە ايلىعىمىز ميلليوننان اسىپ كەتكەن، سوندىقتان، بارىمىزدە مازا قاشىپ كەتكەن! بۇل قانداي مازاق؟ بۇل دەگەنىڭىز كەكەتۋ، «اشتان ءولىپ قالماڭىزدار!» دەگەن كەلەمەج! بىزگە 45 500 تەڭگە دە جەتەدى!
ء–سىز نەعىپ ءجۇرسىز؟ ءسىز كىمسىز؟ –دەپ سۇرادى مينيستر بەتى جالپاق، اياعى تالتاق، ساپ–سارى كىسىدەن. ول اۋدارماشىسىنا يەك قاقتى. سويتسەك، ول امەريكا پرەزيدەنتى دونالد ترامپ ەكەن! ميتينگىگە ارنايى قاتىسۋعا سوناۋ امەريكادان ۇشىپ كەلىپتى.
–كورونوۆيرۋستىڭ تارالۋىنا قىتاي بيلىگى كىنالى! مەن قىتاي پرەزيدەنتىن جەكپە–جەككە شاقىرامىن! نەمەسە، قازاقشا كۇرەسكە!
ميتينگى ءبىر ساعاتقا سوزىلدى. دەپۋتاتتاردىڭ ءبىرازى تۇرەگەپ ۇيىقتاپ الدى. نە ءۇشىن كەلگەنىن، نە ءۇشىن ميتينگىگە شىققانىن ۇقپاعان ۇيقىباس دەپۋتاتتار دا بولدى.
ء–بىز، تەك ءوزىمىزدىڭ جاعدايىمىزدى جاساپ العانبىز! ءبىزدىڭ دە ادام سياقتى كەدەي بولعىمىز كەلەدى! –دەدى ءبىر وبلىستىڭ اكىمى ايقايلاپ.
–شىرىگەن بايلار كورونوۆيرۋستان قينالعان حالىققا نەگە جاردەم بەرمەيدى؟–دەپ قالدى تاعى ءبىرى. زاڭسىز ميتينگىگە شىققان مينيسترلەرگە پوليتسەيلەر ءىلتيپات كورسەتىپ، ىستىق كوفە، شوكولاد، ۋىلدىرىق تاراتىپ ءجۇردى. ولاردىڭ قولدارىن قايىرىپ، اۆتوبۋستارعا توعىتقان دا جوق. كەرىسىنشە، ولارعا قاراپ، تاڭ قالىپ تۇرعان قارا حالىقتى قۋالاپ، كەيبىرىن تۇتقىنداپ جاتتى... ويانا كەتسەم... ارعى جاعىن ايتپاي–اق قويايىنشى؟
مۇحتار شەرىم
