Ádilet Ahmetuly. Adamzatqa hat

1632

Tumshalanǵan dúnıe-aı, tumshalanǵan,
Qorqynysh tóńirekti qursap alǵan.
Adamzataqa aıtady osy kúnder,
Ómirdiń ekendigin munsha jalǵan.

Uly úreı sharlap alǵan aspan astyn,
Sumdyǵy shyǵar múmkin baqtalastyń?!
Jasyna ıe bolmaı alty Qurlyq,
Basyna aýyr qaıǵy batty Alashtyń.

Dala qashan aıyǵar bul tumannan,
Shar ǵalamnyń bul tuman shyrqyn alǵan.
Baıaǵyda obadan el qyrylyp,
Órt ketkendeı qulazyp jurty qalǵan.

Ol zaman qaıǵymenen aqyrlasqan,
Asaý ózen tartylyp, tasyp jatqan.
Tútini óshti deıdi keı qaýymnyń,
Ordasynyń túńligi ashylmastan.

Ol kúnniń qylsyn Qudaı betin ary,
Aıtylmasyn zar zaman, jetim áni.
Táńir birde qaıǵymen synaıdy da,
Batpan-batpan baq syılap otyrady.

Jer shary – jalǵyz OTAN adamzatqa,
Uly pana joq bizge odan basqa.
Adam ata balasy "biz birgemiz",
Izetpen úndeýimdi jazam hatqa!

Aspan ortaq, kún bireý, aı da jalǵyz,
Saǵyntty muń-muqtajsyz jaınaǵan júz.
"Aq, qara, sary" bolyp bólinbesten,
Kúlli adam bir arqaýǵa baılanarmyz!

 

Pikirler
Redakııa tańdaýy