Kezdesý aldynda Túrikmenstan prezıdentin Aqorda rezıdenııasynda saltanatty qarsy alý rásimi ótti. Qurmet Qaraýylynyń bastyǵy eki el basshysyna raport berip, Qazaqstan men Túrikmenstannyń memlekettik ánurandary oryndaldy. Qasym-Jomart Toqaev pen Serdar Berdimuhamedov bir-birine resmı delegaııalardyń quramyn tanystyrdy. Budan soń eki el basshylary Shyǵys zalynda shaǵyn quramda kezdesti, delingen Aqorda habarlamasynda.
"Túrikmenstan – Qazaqstan úshin baýyrlas memleket. Bizdiń tarıhymyz ben shekaramyz ortaq. Bizdi mádenı-gýmanıtarlyq salalar jáne ekonomıkalyq múdde sekildi kóp baǵyttar baılanystyrady", - dedi Qasym-Jomart Toqaev.
Kelissóz barysynda Qasym-Jomart Toqaev pen Serdar Berdimuhamedov Qazaqstan men Túrikmenstan arasyndaǵy yntymaqtastyqty damytý múmkindikterin talqylady. Saýda-ekonomıkalyq qarym-qatynastardy keńeıtýge, ásirese, energetıka, kólik jáne logıstıka, ónerkásip, aýyl sharýashylyǵy salalaryna erekshe nazar aýdaryldy.
