Almaty oblysy, Raıymbek aýdany, Qarasaz aýylyna joly túsken jıhanger jas balalardyń darynyna bas ıdi. Olar kóshe boıynda aýyl qonaǵy Ernar Almabekke sálem berip, tosynnan M. Maqataev jyrlaryn oqı jónelgen. Óleń ólkesi - Qarasazdyń "sen tur, men ataıyn" deıtin "aqyldy tentekteri" jaıynda "Adyrna" ulttyq portaly jazdy.
Óz týyndysynyń betasharyn vıdeoınjener Ernar Almabek:
- Muqaǵalı Maqataevtyń aýyly Qarasazdamyn. Bul aýyldyń balalary aqynnyń óleńderin jatqa biledi deıdi. Sony tekserip kóreıik, - dep bastaıdy.
Jolshybaı ushyrasqan balalar aýyl qonaǵyna "Eı, ómir", "Otan", "Shyda, shyda", "Úsh baqytym", "Sheshe, sen baqyttysyń!" syndy aqyn óleńderin naqyshyna keltire oqyp berip, kóńil súısindiredi.
View this post on Instagram
Jeli qoldanýshylary jany jyrǵa asyq aýyl balalaryna tilektestik tanytyp, jyly lebiz bildirdi. Muqaǵalı murasyna adaldyq tanytqan qazaqtyń keleshegi jaıynda:
"Entigimdi basyp alsam bola ma"-deıdi altyn ul. Qalanyń balasy entigýdiń ne ekenin de bilmeıdi-aý", "Taza, tunyq keremet!", "Balalar aǵyp tur", "Til-kózden aman bolsyn!" dep jazdy oqyrmandar."Adyrna" ulttyq portaly
