Qazaqstandyqtardyŋ 60 paiyzǧa juyǧy qolyna qaru alyp, Otanyn qorǧauǧa daiyn, dep habarlaidy «Adyrna» tılşısı Gallup International-ǧa sılteme jasap.
Zertteu ūiymy jürgızgen saualnamaǧa 45 elden 46 138 adam qatysqan. Är elde, sonyŋ ışınde Qazaqstanda 2023 jyldyŋ qazanynan jeltoqsanyna deiın 1000-ǧa juyq adam saualnamaǧa jauap bergen.
El tūrǧyndarynyŋ 58 paiyzy öz otanyn qorǧauǧa daiyn bolsa, 26 paiyzy qarsylyq bıldırgen. Al qalǧan 16 paiyzy bır şeşımge kele almaǧan. Otn qorǧauǧa tılek bıldırgenderdıŋ 2015 jylǧy körsetkışı būdan basqaşa bolatyn. Sol jyly qazaqstandyqtardyŋ 69 paiyzy otan qorǧauǧa daiyn ekenın aitqan.
Soŋǧy saualnama boiynşa reseilıkterdıŋ nebärı 32 paiyzy ǧana osynda tılek bıldırgen.
Europa, AQŞ jäne Kanada tūrǧyndary soǧysqa barǧylary kelmeitının jetkızgen.
Sarapşylardan aituynşa, 10 jyl būryn bükıl älemde öz elı üşın küresuge daiyn adamdar köp boldy. Zertteuşıler statistikanyŋ tömendeuın soŋǧy jyldary jer şarynyŋ ärtürlı bölıkterınde bolyp jatqan qaqtyǧystarmen bailanystyrdy.
