Jalpy, dındı qazırgı qazaq ideologiiasyna ainaldyru degennıŋ özı absurd. Qazaqstan da, türkı älemı de öz tehnologiialyq damu jolyn ızdeu üstınde.
Jerdı igeru, qazba bailyqty öŋdeu, önerkäsıptı damytu - eŋ aldymen ǧylymdy talap etedı... Sondyqtan, bügıngı örkeniet osy baǧytta damidy. Sodan bolar, bügıngı älemde ūlttyq identifikasiia "ūltsyzdanǧan dın" negızıne emes, Ūlttyq mädenietke qarai būrylyp barady ma deimın... Älem IýNESKO arqyly osy prinsiptı alǧa şyǧardy. Mūnda eşbır dınge basymdyq joq. Al är ūlttyŋ mädenietı, salt-dästürı, önerı, muzykasy, tarihy - qazır bükıl adamzatqa ortaq qūndylyq dep moiyndaluda jäne atap ötılude, ärı, qorǧaluda. Osyǧan sai "özın özı tanyǧan halyq" dep öz mädenietın, öz ǧylymyn saqtap, ony damytuşy elderdı aitady.
...Al öz tılı bola otyryp, özge tılde qūdaiǧa jalbarynatyn halyqtar, endı "imperiialyq bodandyq syrqatynan" ajyrai almaǧan älsız ne äljuaz ūlt qatarynda qalyp qoiǧandar degen tüsınık qalyptasty. Olardyŋ özgege jūtylu qaupı äldeqaida joǧary. Sebebı kommunikasiia damuy ony jyldamdatady. Ondai ūlttardy jaulau qajet te emes. Ondai halyqty "alysta otyryp
Eger ūlttyŋ özı osyny qalap tūrsa - mäselenı öte az şyǧynmen, arzan şeşuge bolady. Al, eger olardyŋ basşysy häm elitasy osyny qalap tūrsa, onda tıpten jaqsy! Onda, olardy "imperiialyq ortalyqqa" (mysaly Dubaiǧa, Stambulǧa, Şveisariia, London, Niu-Iork.., Saud Arabiiasyna t.t) köşırıp alyp, solar arqyly ūltty zombilandyrudy jalǧastyrsa - būl degen tıpten tamaşa täsıl! Al ūlt ışındegı osyny tüsıngen öz ziialylaryn jan-jaqty şekteu, olardy memleketten bölu - osy "ūltty jūtyp alu, ony qūldyq sanada ūstau" sekıldı ärekettıŋ bır bölıgı ärı öte tiımdı bölıgı bolyp tabylady. Al şet elde tūratyn "satqyn elita" ol ūltty ūşaqpen ūşyp baryp ta basqarady...
Mysaly, olardyŋ elde bauyry qaitsa - Dubaidan ūşyp kele salady, sosyn kerı qaitady degendei... İnternetpen de otyryp basqarady... Jalpy, mūndai tendensiia qazırgı bızdıŋ elde baiqalmai ma? Qalai oilaisyzdar?
Äbdıraşit Bäkırūly,
filosof-publisist
