Sheteldik fýtbolshy: Qazaqstanda baı memleketti, kedeı adamdardy kórdim

3368
Adyrna.kz Telegram

Fýtboldan Martınıka quramasynyń havbegi Matıas Kýror sheteldik BAQ-tyń birine bergen suhbatynda karerasy jaıly baıandap, qyzylordalyq "Qaısarda" oınaǵan kezin eske aldy, dep jazady vesti.kz.

"Buryn Franııa men Ispanııada boldym, biraq, bolgarııalyq "Cherne more" men oınaǵan birinshi elıtaly komandam edi. Bolgarııalyqtar óte myqty ekenin kópshilik bile bermeıdi. Meni qurmetteıdi. Alańda da isim ońǵa basty, Bolgarııa Kýbogyn utatyn múmkindigim bolǵan. Bul men úshin múlde jańa dúnıe edi", - dep keltiredi oıynshynyń sózin karaibes-sports.com portalyna silteme jasaǵan Football24.bg.

Fýtbolshy Grýzııa men Qazaqstan jaıly da aıta ketti. Jartylaı qorǵaýshy qyzylordalyq klýbtyń eń myqty oıynshylarynyń biri bolatyn.

"Dınamo" (Grýzııa) sapynda úsh aı ǵana oınadym. Al Qazaqstanda baı memleketti, biraq, kedeı adamdardy kórdim. "Qaısardyń" bazasy óte nashar bola tura, maǵan úlken eńbekaqy tólegenderi qyzyq. Bapkerlerdiń de barlyǵy sheteldik", - deıdi ol.

32 jastaǵy Kýror karerasyn 2007 jyly "Bovada" bastap, "Nant", "Genon" sııaqty ózge franııalyq klýbtar men ıspanııalyq "Orıýela","Atletıko Baleares", "Ýrakan Valensııa", martınıktik "Golden Lıon", bolgarııalyq "Lokomotıv" (Gorna-Orıahovıa) komandalarynda oınady. Martınıka quramasy úshin jeti oıynda eki gol saldy.

Al "Qaısarda" 2017 jáne 2018 jylǵy maýsymdarda óner kórsetti. QPL-de oınaǵan 59 matchte,13 gol salyp, úsh assıt jasady jáne toǵyz eskertý aldy. Qyzylordalyqtar onymen kelisimshartty uzartyqysy keldi, alaıda, fýtbolshy oryn aýystyrǵysy keldi.

Pikirler