Pavlodarlyq futbol qaita jandandy. Biyl Qazaqstannyŋ Premer-ligasynda alǧaşqy mausymyn ötkızgen «Aqsu» futbol kluby jdanküierler ümıtın aqtap, altynşy orynǧa tūraqtady.
Bırer jyl būryn Qazaqstan futbolyndaǧy aty aŋyzǧa ainalǧan «Ertıs» komandasy jyldar boiy qordalanǧan qaryzy saldarynan bankrotqa ūşyraǧan edı. Būl şeşım sol kezde Pavlodar oblysy äkımı qyzmetıne jaŋa taǧaiyndalǧan Äbılqaiyr Sqaqovqa oŋai soqpaǧan edı. Amal joq, qaryzǧa belşesınen batqan futbol klubynyŋ jūmysyn toqtatuǧa tura keldı. Janküierler tarapynan bıraz syn da aitylǧan edı.
«Ertıstıŋ» orynyn «Aqsu» futbol komandasy basty. Onyŋ denın pavlodarlyq futbol mektebınıŋ tülekterı qūrady. Jergılıktı aiaq dop şeberlerı ümıttı aqtady. Byltyr bırınşı liganyŋ chempiondary atanyp, Premer-ligaǧa joldama aldy. Al biyl joǧarǧy ligadaǧy alǧaşqy mausymynda-aqkıl myqtylardyŋ arasynda altynşy orynǧa tūraqtady.
Janküierlerdıŋ pavlodarlyq futboldyŋ bolaşaǧyna degen senımı qaita oiandy. Jūrtşylyq «Aqsu» sapynda jergılıktı sportşylardyŋ dop teuıp, täjıribe jinap jürgenıne quanady.
Mausym aiaqtala salysymen Pavlodar oblysynyŋ äkımı Äbılqaiyr Sqaqov futbolşylarǧa jaqsy nätije körsetkenı üşın alǧysyn bıldırdı.
«Mıne, «Aqsudyŋ» Qazaqstannyŋ Premer-ligasyndaǧy debiutınıŋ kuäsı boldyq. Būl mausym oŋaiǧa soqqan joq. Jarqyn, tıptı, sensasiialyq jeŋıster de, jeŋılıster de boldy. Barlyǧynan sabaq aldyq. Bıraq, eŋ bastysy, futbolşylarymyz eşteŋege qaramastan alǧa ūmtyldy. Maqsat, jastyq jalyn men täjıribe ūştasqan pavlodarlyq futboldy paş etu. Maqsat oryndaldy. Būl bızdıŋ Premer-ligadaǧy alǧaşqy qadamymyz ekenın eskersek, altynşy oryn jaqsy nätije dep esepteimın. Ärbır oiynşynşyǧa, bapkerlık qūramǧa, klub basşylyǧyna qajyrly eŋbek, jarqyn sätter üşın alǧysymdy bıldıremın! Kelesı mausymda tabys tıleimın», – dedı oblys äkımı.
