Ózbekstan ulttyq quramasynyń bas bapkeri, slovenııalyq maman Srechko Katane densaýlyǵyna baılanysty otstavkaǵa ketti. Bul týraly Ózbekstan fýtbol qaýymdastyǵy (ÓFQ) Telegram-arnasynda jazdy, dep habarlaıdy "Adyrna" ulttyq portaly.
Katane eki jaqty kelisimdi toqtatý týraly sheshimdi ózi qabyldaǵan.
«Óz úndeýinde slovenııalyq bapker qazirgi jaǵdaıda óz mindetterin tolyqqandy jáne kásibı túrde atqara almaıtynyn ókinishpen aıtty. Ol qaýymdastyqqa turaqty qoldaýy men jemisti yntymaqtastyǵy úshin alǵysyn bildirdi», – delingen habarlamada.
Buǵan deıin Katane birneshe ret ulttyq quramanyń resmı matchtary men jattyǵý jıyndaryna kelmegen edi. Ótken jyly densaýlyǵyna baılanysty taǵy bir jıynǵa qatysa almaǵannan keıin, baspasóz konferenııasynda ol ózin nashar sezingen jaǵdaıda otstavkaǵa ketýge daıyn ekenin málimdegen edi. Eki kún buryn Katanetiń Ózbekstan quramasynyń Katardaǵy kezekti jıynyna kelmegeni belgili boldy. BAQ-ta bapkerdiń onkologııalyq aýrýmen kúresip jatqany týraly aqparat tarady.
Aıta ketý kerek, Katane Ózbekstan quramasynyń tarıhyndaǵy eń tabysty bapker sanalady. Onyń jetekshiligimen quram 21 resmı match ótkizip, tek eki ret jeńilis tapqan. Sondaı-aq, álem chempıonatyna joldama alý múmkindigine barynsha jaqyndaǵan edi.
Ózbekstan quramasynyń jańa bas bapkeriniń esimi jaqyn arada belgili bolady. Sondaı-aq, 22 aqpanda Ózbekstan fýtbol qaýymdastyǵynyń kezekten tys sezi ótedi. Bul jıynda uıymnyń jańa prezıdenti saılanbaq. Buryn bul qyzmetti Memlekettik qaýipsizdik qyzmetiniń (MQQ) eks-basshysy Abdýsalom Azızov atqarǵan.
