Özbekstan ūlttyq qūramasynyŋ bas bapkerı, sloveniialyq maman Srechko Katanes densaulyǧyna bailanysty otstavkaǧa kettı. Būl turaly Özbekstan futbol qauymdastyǧy (ÖFQ) Telegram-arnasynda jazdy, dep habarlaidy "Adyrna" ūlttyq portaly.
Katanes ekı jaqty kelısımdı toqtatu turaly şeşımdı özı qabyldaǧan.
«Öz ündeuınde sloveniialyq bapker qazırgı jaǧdaida öz mındetterın tolyqqandy jäne käsıbi türde atqara almaitynyn ökınışpen aitty. Ol qauymdastyqqa tūraqty qoldauy men jemıstı yntymaqtastyǧy üşın alǧysyn bıldırdı», – delıngen habarlamada.
Būǧan deiın Katanes bırneşe ret ūlttyq qūramanyŋ resmi matchtary men jattyǧu jiyndaryna kelmegen edı. Ötken jyly densaulyǧyna bailanysty taǧy bır jiynǧa qatysa almaǧannan keiın, baspasöz konferensiiasynda ol özın naşar sezıngen jaǧdaida otstavkaǧa ketuge daiyn ekenın mälımdegen edı. Ekı kün būryn Katanestıŋ Özbekstan qūramasynyŋ Katardaǧy kezektı jiynyna kelmegenı belgılı boldy. BAQ-ta bapkerdıŋ onkologiialyq aurumen küresıp jatqany turaly aqparat tarady.
Aita ketu kerek, Katanes Özbekstan qūramasynyŋ tarihyndaǧy eŋ tabysty bapker sanalady. Onyŋ jetekşılıgımen qūram 21 resmi match ötkızıp, tek ekı ret jeŋılıs tapqan. Sondai-aq, älem chempionatyna joldama alu mümkındıgıne barynşa jaqyndaǧan edı.
Özbekstan qūramasynyŋ jaŋa bas bapkerınıŋ esımı jaqyn arada belgılı bolady. Sondai-aq, 22 aqpanda Özbekstan futbol qauymdastyǧynyŋ kezekten tys sezı ötedı. Būl jiynda ūiymnyŋ jaŋa prezidentı sailanbaq. Būryn būl qyzmettı Memlekettık qauıpsızdık qyzmetınıŋ (MQQ) eks-basşysy Abdusalom Azizov atqarǧan.
Ūqsas jaŋalyqtar
