Demokratııalyq memlekettiń basty kórsetkishteriniń biri – úkimettik emes uıymdar bolyp sanalady. Olar qoǵamdyń ár salasynyń damýyna yqpal jasap, el azamattarynyń quqyqtaryn qorǵaıdy. Osy tusta Jambyl oblysynda ÚEU-nyń jumysyn shıratyp, tyń serpin alýyna oblystyq ÚEU qaýymdastyǵynyń tóraıymy Aınur Zaýyrbekovanyń eleýli eńbegin atap ótýge ábden bolady.
Aınur Zaýyrbekovanyń aıtýynsha, búginde Jambyl oblysynda zań júzinde 600-ge jýyq qoǵamdyq uıymdar tirkelgen. San salany qamtyǵan úkimettik emes uıymdardyń qatarynda, densaýlyq saqtaý, azamattardy turaqty jumysqa ornalastyrý, jastar, áıelder, qarttar men balalar, ekologııa, kásipkerlik, sport aıta bersek, bul tizim jalǵasyp kete beredi.
- Ár saladaǵy qordalanǵan máselelerge bıliktiń nazaryn der kezinde aýdarý jáne ol túıitkilderdi birlese sheshý qoǵamdyq uıymdardyń negizgi maqsaty,- deıdi ol.
Sonymen qatar, aımaqtaǵy kásipkerlik palatasy jastar kásipkerligi keńesiniń tóraıymy Aınur Zaýyrbekova óńirdiń kásipkerligin damytýǵa úles qosyp, birneshe jyldan beri jambyldyq jastardy kásipkerlikke baýlyp, jeke isterin ashýǵa ári tabys tabýlaryna sep bolyp júr.
Bıyl elimizdegi joǵary jáne arnaýly oqý oryndary men mektep baǵdarlamalaryna «kásipkerlik negizderi» páni engizilgeni belgili.
Bul bastamany «Atameken» Ulttyq kásipkerler palatasy men QR Bilim jáne ǵylym mınıstrligi birlese júzege asyryp otyr. Oqý oryndaryna bilikti mamandardy daıyndaý isine Aınur Zaýyrbekova da belsene atsalysýda.
Búginde «kásipkerlik negizderi» páni boıynsha 10 aýdan men Taraz qaladasyndaǵy kolledjderdiń 22 oqytýshysyna ınteraktıvti tehnologııa ádisimen dáris oqylǵan.
Buǵan qosa, Aınur Zaýyrbekova basqaratyn ÚEU –nyń bastamasymen Jambyl oblystyq ishki saıasat basqarmasynyń tapsyrmasymen áleýmettik-kásipkerlikti damytýdyń jańa baǵyty qolǵa alyndy. Innovaııalyq jobanyń basty erekshiligi – áleýmettik máselelerdi sheshýdi jáne tabys tabýdy kózdeıdi. Qazirgi tańda áleýmettik kásipkerlik jobasyn qoǵamǵa keńinen tanystyrý maqsatynda túsindirý-aqparattandyrý jumystary júrgizilýde. Bul tyń bastama óziniń tyrnaqaldy jetistigine de qol jetkizip úlgerdi. Atap aıtar bolsaq, Respýblıkalyq «ASAR» úshjaqty seriktestik forýmy aıasynda ótkizilgen baıqaýǵa oblystan 9 joba qatyssa, oblysta áleýmettik kásipkerlikti damytý boıynsha baıqaýlar uıymdastyrylyp, nátıjesinde «Aqbulaq» , «Shynaıy kómek», «Aqtós», «Áleýmettik juldyz» atty qoǵamdyq uıymdarǵa shaǵyn granttar berilgen.
Sonda-aq ÚEU Qaýymdastyǵy men oblystyq jumyspen qamtýdy úılestirý jáne áleýmettik baǵdarlamalar basqarmasy birlesip birqatar jumystar atqarylǵan. Mysaly, «Lýchshaıa ınvestıııa» jeke oqý ortalyǵynda 150 jumyssyz adam menedjer, satýshy, grafıkalyq dızaın mamandyqtary boıynsha jańa kásip meńgerip, onyń 60 paıyzy turaqty jumysqa ornalasqan.
«ADYRNA»
ulttyq portaly
