Qazaqstan transaýǵan temirjol qurylysyna qatysýǵa daıyn. Bul týraly vıe-premer mınıstr Serik Jumanǵarın bastaǵan delegaııanyń Aýǵanstanǵa sapary kezinde belgili boldy, dep habarlaıdy «Adyrna» tilshisi Úkimettiń baspasóz qyzmetine silteme jasap.
Eki el premer-mınıstrleriniń orynbasarlary 24 sáýirde ótken kezdesýinde taraptar Ortalyq jáne Ońtústik Azııany ıntegraııalaý jobalaryndaǵy yntymaqtastyqty damytýǵa ózara múddelilik tanytty.
Atap aıtqanda, qazaqstandyq taraptyń transaýǵandyq dálizdi damytý jobalaryn: Termez – Mazarı-Sharıf – Kabýl – Peshavar jáne Gerat – Kandagar – Spın-Býldak temir joldaryn salý jónindegi jobalardy iske asyrýǵa qatysýǵa daıyndyǵy belgilendi.
Joba Ortalyq jáne Ońtústik Azııa elderi arasynda júkterdi jetkizý ýaqytyn 10 esege qysqartýǵa, sondaı-aq júkterdi tasymaldaý qunyn tómendetýge múmkindik beredi. Qazaqstan temir joldyń joǵarǵy qurylysyna arnalǵan materıaldardy, óz óndirisiniń shpaldary men bekitkishterin jetkizý arqyly transaýǵan magıstraliniń qurylysyna qatysýǵa daıyn.
Sońǵy úsh jylda Qazaqstannan Aýǵanstanǵa eksporttyq tasymaldaý kólemi turaqty túrde ósip keledi: 2023 jyly temir jol arqyly tasymaldaý kólemi 2,7 mln tonnany qurady, onyń 1,5 mln tonnasy – un jáne astyq. Bul 2021 jylǵy deńgeımen salystyrǵanda 14%-ǵa kóp. Aldaǵy jyldarǵa arnalǵan boljam – eksporttyń 40%-ǵa ulǵaıýy. Bul rette 2030 jylǵa qaraı tasymaldardyń 3 ese ósýi kútilýde.
