Qazy tabys kózine aınaldy

4751

Ulttyq taǵamnyń qadiri artyp, suranys ulǵaıyp keledi. Sheteldiń jartylaı pisken taǵamdarynan bas tartyp, mal baǵý, et jáne et ónimderin jasaý jolǵa qoıyldy. Aqtóbelik kásipker ystalǵan qazy jasap, ony «Sarjaılaý» atady. «Jergilikti kásipkerler jylqy etin tapsyryp úlgerse» deıdi Danat Shýrahanov. Ol aldaǵy jyldary qazy aınaldyrýdyń túrli tásilin paıdalanyp, til úıirer taǵamnyń birneshe sortyn jasaýdy kózdep otyr.

Qazynyń dám-tuzy erekshe. Ásirese, súrlengen taǵam til úıirip, «jeseń tisińe, jemeseń túsińe» kiredi. Soǵymǵa jylqy soıǵannyń dastarqanynan tabylatyn qazy qazir bazarda samsap tur. Tek tańdap, naǵyz taǵamdy ajyrata bilý qajet. Aq­tóbelik kásipker Danat Shýrahanov shaǵyn qazy ehyn ozyq tehnologııamen jabdyq­tady. Munda 10 jumysshy táýligine 500 keli ulttyq taǵam ázirleıdi. Basty maqsat – qazynyń qundylyǵyn joǵaltpaı kóp­shilikke usyný, daıyndaý tehnologııasyn saqtaý. Ol úshin jylqy etin dástúrli ádis­pen aınaldyrady. Ázirge qazynyń eki túri ǵana shyǵarylady. Kásipker D.Shýrahanov: «Bıznestiń jol kartasy – 2020» baǵdarla­masynyń kómegi tıdi. Shetelden óndiriske qajet qurylǵylar alý úshin nesıe al­ǵanbyz. Onyń 70 paıyzyna «Damý» kásip­kerlikti qoldaý qory kepildik berdi. Sýb­sıdııaǵa iligip, nesıeniń 7 paıyzy mem­­lekettiń kómegi retinde tólenip otyr» deıdi. Óndiris orny jylyna 120 tonna jylqy etin óńdeıdi. Munda shetel qural-jabdyqtarymen jumys jasaıtyn maman­dar da oqytyldy. Sapaǵa den qoıǵan ón­diriske memlekettiń baqylaýy da, qoldaýy da myqty.

Ulttyq taǵamnyń qadir-qasıetin jetik biletin qazy aınaldyrýshy Alma Tájenova anadan qalǵan ádisti paıdalanady. «Kish­kentaı kezimnen kórgen jumysym, ádis-tásilim. Áke-sheshemiz de mal baqty. Bul – anamyzdyń kórsetken úlgisi. Sondyqtan qazyny aınaldyrǵanda tıimdi, dám­di bol­ǵanyn oılaımyz, – deıdi ol.

Qazy aı­naldyratyn eh mamandary «Áriptestik baılanys» baǵdarlamasy boıynsha Germa­nııada sheberlikterin shyńdady.

Negizgi oı – dástúrli ulttyq taǵamdy álemdik naryq­qa halyqaralyq talappen shyǵarý. Munda etti óziń tańdap, qazyny qalaýyńsha aı­nal­dyryp alýǵa bolady. Aldaǵy jyly ehta shyǵarylatyn ulttyq taǵamnyń túri kóbeıtiledi. Qorektik qýaty joǵary, dárýmeni mol qazaqtyń qazysy – Kedendik odaqqa engen kórshi elderge de eksport­talady.
Shaǵyn eh 40 mıllıon teńgege salyn­dy, teń jartysy – kásipker qarjysy. Qa­zir munda jetkizý qyzmeti de bar. Ar­naıy júk kóligi tapsyrysty ýaqtyly oryn­daı­dy.


Altynaı SAǴYNDYQOVA,
Aqtóbe

Pikirler
Redakııa tańdaýy