قازى تابىس كوزىنە اينالدى

1413

ۇلتتىق تاعامنىڭ قادىرى ارتىپ، سۇرانىس ۇلعايىپ كەلەدى. شەتەلدىڭ جارتىلاي پىسكەن تاعامدارىنان باس تارتىپ، مال باعۋ، ەت جانە ەت ونىمدەرىن جاساۋ جولعا قويىلدى. اقتوبەلىك كاسىپكەر ىستالعان قازى جاساپ، ونى «سارجايلاۋ» اتادى. «جەرگىلىكتى كاسىپكەرلەر جىلقى ەتىن تاپسىرىپ ۇلگەرسە» دەيدى دانات شۋراحانوۆ. ول الداعى جىلدارى قازى اينالدىرۋدىڭ ءتۇرلى ءتاسىلىن پايدالانىپ، ءتىل ۇيىرەر تاعامنىڭ بىرنەشە سورتىن جاساۋدى كوزدەپ وتىر.

قازىنىڭ ءدام-تۇزى ەرەكشە. اسىرەسە، سۇرلەنگەن تاعام ءتىل ءۇيىرىپ، «جەسەڭ تىسىڭە، جەمەسەڭ تۇسىڭە» كىرەدى. سوعىمعا جىلقى سويعاننىڭ داستارقانىنان تابىلاتىن قازى قازىر بازاردا سامساپ تۇر. تەك تاڭداپ، ناعىز تاعامدى اجىراتا ءبىلۋ قاجەت. اق­توبەلىك كاسىپكەر دانات شۋراحانوۆ شاعىن قازى تسەحىن وزىق تەحنولوگيامەن جابدىق­تادى. مۇندا 10 جۇمىسشى تاۋلىگىنە 500 كەلى ۇلتتىق تاعام ازىرلەيدى. باستى ماقسات – قازىنىڭ قۇندىلىعىن جوعالتپاي كوپ­شىلىككە ۇسىنۋ، دايىنداۋ تەحنولوگياسىن ساقتاۋ. ول ءۇشىن جىلقى ەتىن ءداستۇرلى ادىس­پەن اينالدىرادى. ازىرگە قازىنىڭ ەكى ءتۇرى عانا شىعارىلادى. كاسىپكەر د.شۋراحانوۆ: «بيزنەستىڭ جول كارتاسى – 2020» باعدارلا­ماسىنىڭ كومەگى ءتيدى. شەتەلدەن وندىرىسكە قاجەت قۇرىلعىلار الۋ ءۇشىن نەسيە ال­عانبىز. ونىڭ 70 پايىزىنا «دامۋ» كاسىپ­كەرلىكتى قولداۋ قورى كەپىلدىك بەردى. سۋب­سيدياعا ىلىگىپ، نەسيەنىڭ 7 پايىزى مەم­­لەكەتتىڭ كومەگى رەتىندە تولەنىپ وتىر» دەيدى. ءوندىرىس ورنى جىلىنا 120 توننا جىلقى ەتىن وڭدەيدى. مۇندا شەتەل قۇرال-جابدىقتارىمەن جۇمىس جاسايتىن مامان­دار دا وقىتىلدى. ساپاعا دەن قويعان ون­دىرىسكە مەملەكەتتىڭ باقىلاۋى دا، قولداۋى دا مىقتى.

ۇلتتىق تاعامنىڭ قادىر-قاسيەتىن جەتىك بىلەتىن قازى اينالدىرۋشى الما تاجەنوۆا انادان قالعان ءادىستى پايدالانادى. «كىش­كەنتاي كەزىمنەن كورگەن جۇمىسىم، ءادىس-ءتاسىلىم. اكە-شەشەمىز دە مال باقتى. بۇل – انامىزدىڭ كورسەتكەن ۇلگىسى. سوندىقتان قازىنى اينالدىرعاندا ءتيىمدى، ءدام­دى بول­عانىن ويلايمىز، – دەيدى ول.

قازى اي­نالدىراتىن تسەح ماماندارى «ارىپتەستىك بايلانىس» باعدارلاماسى بويىنشا گەرما­نيادا شەبەرلىكتەرىن شىڭدادى.

نەگىزگى وي – ءداستۇرلى ۇلتتىق تاعامدى الەمدىك نارىق­قا حالىقارالىق تالاپپەن شىعارۋ. مۇندا ەتتى ءوزىڭ تاڭداپ، قازىنى قالاۋىڭشا اي­نال­دىرىپ الۋعا بولادى. الداعى جىلى تسەحتا شىعارىلاتىن ۇلتتىق تاعامنىڭ ءتۇرى كوبەيتىلەدى. قورەكتىك قۋاتى جوعارى، دارۋمەنى مول قازاقتىڭ قازىسى – كەدەندىك وداققا ەنگەن كورشى ەلدەرگە دە ەكسپورت­تالادى.
شاعىن تسەح 40 ميلليون تەڭگەگە سالىن­دى، تەڭ جارتىسى – كاسىپكەر قارجىسى. قا­زىر مۇندا جەتكىزۋ قىزمەتى دە بار. ار­نايى جۇك كولىگى تاپسىرىستى ۋاقتىلى ورىن­داي­دى.


التىناي ساعىندىقوۆا،
اقتوبە

پىكىرلەر