Elbasynyŋ «Bolaşaqqa baǧdar: ruhani jaŋǧyru» baǧdarlamasy aiasynda Oŋtüstık Qazaqstan oblysy Bäidıbek audanynda ejelgı dästürımızdı qaita jaŋǧyrtu maqsatynda «Qymyzmūryndyq» festivalı öttı. Şaranyŋ maqsaty – jūrtşylyqtyŋ ūlttyq mädeniet men salt-dästürge qyzyǧuşylyǧyn arttyru jäne jastardy salauatty ömır saltyna tärbieleu, sondai-aq qazaq halqynyŋ ūlttyq susyny – qymyzdyŋ qūndylyǧyn nasihattau.
Ūlttyq susyn merekesıne oblys äkımı Janseiıt Tüimebaev, oblystyq maslihattyŋ deputattary, öŋır ardagerlerı men ziialy qauym ökılderı, etnomädeni ortalyqtardyŋ töraǧalary jäne respublikalyq, oblystyq blogerler men BAQ qyzmetkerlerı qatysty.
Festivalde alǧaşqy bolyp söz alǧan öŋır basşysy Janseiıt Qanseiıtūly aituly merekemen qūttyqtap, dästürdıŋ män-maŋyzyna toqtaldy.
«Salt-dästürımızdı qaita jaŋǧyrtyp, jas ūrpaqqa ülgı retınde ūiymdastyrylyp otyrǧan «Qymyzmūryndyq» festivalınıŋ orny orasan zor. Būl degenımız — erte zamanǧy tamyrymyzǧa qaita oralu. Qymyzmūryndyq – bie bailap, alǧaşqy qymyz ışu toiy jäne yntymaqtyŋ, eŋbektıŋ, bırlıktıŋ merekesı. Bie sauylyp, onyŋ sütı qorlanyp, aşytylǧan soŋ ekı-üş kün boiy jinalǧan qymyzǧa aqsaqaldar men körşı-qolaŋdar Qymyzmūryndyqqa şaqyrylǧan. Iаǧni alǧaşqy qymyz adamdarǧa saltanatpen ūsynylyp, «köpke būiyrsyn» degen tılekpen berılgen. Qazaqta susynnyŋ Qūnan qymyz, Dönen qymyz, Uyz qymyz, Jazǧy qymyz, Tünemel qymyz siiaqty türlerı bar. Būlardyŋ ärqaiysynyŋ daiyndalu täsılı de ärtürlı. Dästür boiynşa halqymyz būl merekede «Sauar köp bolsyn!», «Aq mol bolsyn!», «Auzymyzdy aqtan aiyrmasyn» dep tılek aitysqan, olai bolsa bügıngı «Qymyzmūryndyq» toiy qūtty bolsyn!», – dedı aimaq basşysy.
Sondai-aq, aituly ıs-şara aiasynda qymyz baptauşylar saiysy, qolöner şeberlerınıŋ körmesı, qūlyndy bie jäne säigülıkterdıŋ şeruı, ūlttyq at sport türlerınen körınıster, qymyz ışu saiysy öttı. Saiystarǧa 15 audan, qalalardan ümıtkerler qatysyp, jeŋımpazdar oblys äkımınıŋ arnaiy syilyǧymen, diplomdarmen marapattaldy.
Būdan bölek, öŋırdegı barlyq audan, qalalar kiız üi tıgıp, ony bezendırıp, etnoauyl ūiymdastyryp qonaqtarǧa merekelık köŋıl-küi syilady.
Qymyzmūryndyq festivalınde qymyz baptaudan bas jüldenı Tülkıbas audanynyŋ ümıtkerlerı ielendı. Tau bauraiynda baptalǧan bal qymyzǧa jūrtşylyq riza boldy. Bas jülde iegerlerıne qūlyndy bie tartu etıldı. Bırınşı oryndy Bäidıbek audanynyŋ qymyz baptauşylary enşılese, ekınşı jäne üşınşı oryndardy Türkıstan qalasy men Ordabasy audanynyŋ ümıtkerlerı iemdendı.
Qolönerşıler baiqauynda türkıstandyq şeberlerdıŋ baǧy jansa, säigülıkter saiysynda Şymkent qalasynyŋ atbegılerı jeŋımpaz boldy. Jūrtşylyq nazaryn audarǧan qymyz qūmarlar bäsekesıne barlyq audannan öte yntaly azamattar qatysty. Asa qyzyqty ötken jarysta 10.5 tostaǧan qymyzdy toqtamai sımırgen Arys qalasy, Montaitas auylynyŋ tūrǧyny Almas Jamanqūlov jeŋıske jettı. Jeŋımpazdar men jüldegerlerge aqşalai syilyqtar tapsyryldy. Sonymen qatar, qymyz baptau saiysyna qatysqan ümıtkerlerge yntalandyru syilyqtary tabys etıldı.
alashaqparat.kz
