Boıjetkenniń sózinshe onyń basty maqsaty – ulttyq balmuzdaqtyń bıologııalyq qundylyqtarǵa baı jáne adam aǵzasyna paıdaly ekenin dáleldeý. Bıe sútinen jasalǵan balmuzdaq basqalarǵa uqsamaı otta pisedi, quramy ózgermeıdi, tabıǵı taza ónim retinde paıdalanylady.
"Bizdiń naryqta ulttyq jáne paıdaly qymyzdan jasalǵan ónim túrleri jetispeıdi. Balmuzdaq jastardyń da, balalardyń da kóńilinen shyǵady. Ol bıoónimderdi paıdalaný arqyly halqymyzdyń densaýlyǵyna oń áser etedi", - dedi Jadyra Baıdaly.
Ónertapqyshtyń habarlaýynsha, sýsynnyń quramy tabıǵı ımmýndyq qasıeti bar dárýmenderge baı jáne adam densaýlyǵyna paıdaly túıirshikti aqýyzdar mol.
Munymen qosa, jas oqytýshy Jadyra Baıdaly saýmal qosyp jasalǵan sabyn shyǵarýdy qolǵa alǵan. Ózi mundaı sabynnyń adam densaýlyǵyna emdik qasıeti bar ekendigin aıtyp otyr.
Oraıy kelgende aıta keteıik, Abaı atyndaǵy Qazaq ulttyq pedagogıkalyq ýnıversıtetiniń doenti Gúlııa Álıhanqyzy qymyzdy halyqaralyq naryqqa shyǵaryp, álemge tanytý úshin jańa tehnologııalardy qoldanyp, untaq túrinde de shyǵarý kerek ekendigin aıtqan edi. Ǵalymnyń paıymdaýynsha, bul jaǵynan Germanııa bizden kósh ilgeri tur. Olar qazir qymyzdyń untaǵyn ǵana emes, tabletka túrin de jasap shyǵaryp jatyr.
Sonymen qatar, mezgil.kz portalynyń jazýynsha, nemis kásipkeri Gans olmannyń osydan eki jyl buryn qymyzdyń dárýmenderge baı ekenin eskerip, qymyz sózin «Kýmylak» dep almastyryp, patenttep alǵan. Qazaqtyń jaby tuqymdy jylqylaryn ósirip, odan ónim alyp otyrǵan Gans olman saýmaldyń qurǵaq túrin jasaı alatynyn da jasyrmaǵan bolatyn. Sheteldikter qymyzdan balmuzdaq jasap, kosmetıkalyq taýarlar óndirýge kirisken. Al qytaılar qymyzdyń kóp aýrýǵa em ekenin zerttep, dáriler óndirýge bet burǵany aıtylady.
"Adyrna" ulttyq portaly
