Ozon Qazaqstan jürgızgen zertteuge säikes qazaqstandyqtardyŋ kündelıktı jäne mereke qarsaŋyndaǧy saudalar üşın onlain-şopingtı jiı taŋdaityny anyqtaldy. Saualnama derekterı boiynşa qatysuşylardyŋ 50%-dan astamy syilyqtardy internet arqyly satyp aludy jön köredı. Mūny oflain-dükenderdegı dästürlı saudaǧa qaraǧanda onlain-şopingtıŋ yŋǧaily ärı tiımdı ekendıgımen bailanystyruǧa bolady.
Şoping ädet retınde: qazaqstandyqtar onlain-saudany sebepsız jasaidy, alaida aqşany aqylmen jūmsaidy
Onlain-şoping qazaqstandyqtar ömırınıŋ ajyramas bölıgıne ainaluda: zertteu körsetkendei, qazaqstandyqtardyŋ üşten bır bölıgı (31,3%) onlain-şopingtı kündelıktı ömırdıŋ bır bölıgı retınde qabyldaidy jäne marketpleisterden eş sebepsız sauda jasaidy. Marketpleisterdı taŋdaudyŋ negızgı sebepterı retınde keŋ assortiment (49%), tartymdy baǧalar (40%) jäne qajettı önımdı ärdaiym tabu mümkındıgı (36%) tūr. Sūranystyŋ ösuın Ozon.kz statistikasy da rastaidy: 2024 jyly bır paidalanuşyǧa keletın tapsyrys jiılıgı 2023 jylmen salystyrǧanda 56%-ǧa östı. Būl dinamika marketpleisterdıŋ Qazaqstandaǧy pozisiiasynyŋ nyǧaiyp, sauda jasaityn ädettegı arnaǧa ainalatynyn aiqyn körsetedı.
Qazaqstandyqtar onlain-şopingtı tiımdı paidalanady: saualnama nätijelerıne säikes, satyp aluşylardyŋ köpşılıgı (43,9%) tauarlardy taŋdau kezınde ärtürlı alaŋdardaǧy ūsynystardy salystyra otyryp, sapa men baǧa araqatynasyn basşylyqqa alady. Respondentterdıŋ üşten bırı (32,3%) «Taŋdaulylarǧa»nemese «Sebetke» qosylǧan tauarlarǧa jeŋıldıkter boluyn qadaǧalap otyratynyn rastady. Sondai-aq ärbır üşınşı (30,9%) qazaqstandyq saudany aqşa (jalaqy, syiaqy jäne t.b.) tüskenge deiın keiınge qaldyrady. Respondentterdıŋ sondai bölıgı (şamamen 30,5%) sauda jasamas būryn tauardy satyp alu qajettılıgın baǧalap, özıne «oilanuǧa uaqyt» beredı. Eŋ az tanymaly (14,9%) «kördım - satyp aldym»emosionaldy ssenariiı boldy, būl qazaqstandyqtardyŋ şopingke degen sanaly ärı ūtymdy közqarasyn däleldeidı.
Mereke qarsaŋynda onlain-şoping tanymaldylyǧynyŋ ösuı
Qazaqstandyqtar merekelerge daiyndyq kezınde marketpleisterdı jiırek taŋdaidy. Zertteuge säikes, respondentterdıŋ 54,8%-y merekelık syilyqtar men tauarlarǧa internet arqyly tapsyrys berudı taŋdasa, 39,4%-y ǧana dästürlı dükenderdı taŋdaidy. Būl ürdıs türlı tauar sanattarynda baiqalady. Mäselen, kosmetika men parfiumeriia satyp alu üşın respondentterdıŋ 49%-y, üi tauarlary üşın - 46,5%, balalarǧa arnalǧan tauarlar üşın - 42,1%, al aksessuarlar men hobbi jäne şyǧarmaşylyq tauarlary üşın - 48,1%-y onlain-şopingtı taŋdaidy. Būl rette ärbır üşınşı qazaqstandyq (33%) marketpleiste bır tapsyrysqa 10 000-nan 30 000 teŋgege deiın aqşa jūmsaidy.
Ärine, merekeler marketpleisterdegı saudany arttyruda maŋyzdy röl atqarady. Qazaqstandyqtar syilyqtardy belsendı satyp alatyn eŋ tanymal sebepterdıŋ ışınde Tuǧan kün (39,5%), Jaŋa jyl (34,4%) jäne Halyqaralyq äielder künı (25%) erekşelenedı. Būl tendensiialar marketpleisterdegı sūranys dinamikasymen de rastalady. Mysaly, Jaŋa jyl qarsaŋynda Ozon.kz tapsyrystar sany şamamen 70%-ǧa östı.
Būdan bölek, marketpleisterde ärbır altynşy qazaqstandyq demalys (16,7%) nemese oqu jylynyŋ bastaluy (16,4%) aldynda tauarlarǧa tapsyrys beredı. Satyp aluşylardyŋ taǧy 15%-y mereitoi nemese estelık datalarǧa arnap onlain sauda jasaidy. Şamamen ärbır onynşy adam üilenu aldynda (11,3%), sondai-aq Nauryz qarsaŋynda (10%) onlain-şopingke jügınedı. Batys dästürlerı (Äulie Valentin künı - 5,8%, Hellouin - 5,4%) äzırge respublika tūrǧyndary arasynda onlain-sauda jasaudyŋ negızgı sebepterıne jatqyzylmady.
Qazaqstandyqtar Ozon.kz-te Nauryzǧa qalai daiyndaldy
Ozon Qazaqstan köktemnıŋ basty merekesı qarsaŋynda qazaqstandyqtardyŋ jasaǧan saudalaryn taldap, negızgı merekelık sanattarda sūranystyŋ aitarlyqtai öskenın anyqtady. Mäselen, aqpan aiynyŋ soŋy men nauryz aiynyŋ soŋy aralyǧynda respublika tūrǧyndary köbıne Ozon.kz-ten Nauryz kezınde merekelık dastarhandy bezendıretın jaryq pen jaŋarudyŋ dästürlı simvoly bolyp tabylatyn şamdarǧa tapsyrys bergen. Mereke qarsaŋynda būl önımge sūranys 2 eseden asa ösken (+110%). Ydys-aiaq ta sūranysqa ie boldy - şynyaiaqtar men şai ydystaryna degen sūranys 20%-ǧa, tabaqtarǧa 54%-ǧa ösken.
Syilyq retınde qazaqstandyqtar köbınese dene kütımıne (+79%), betke arnalǧan (+50%) kosmetika jiyntyǧyna, sondai-aq parfiumeriiaǧa (+47%) tapsyrys bergen. Sonymen qatar, 2025 jyly «Sūlulyq jäne densaulyq» sanatyndaǧy Nauryz aldyndaǧy ortaşa chek 2 esege juyq ösken.
Dastarhanǧa arnalǧan dästürlı taǧamdar da tanymal sauda tızımınde boldy: soŋǧy aida marketpleiste tosapqa (+33%), pısıru dekoryna (+28%), balǧa (+22%) jäne japyraqty şaiǧa (+20%) sūranys kürt östı.
Zertteu 2024 jyldyŋ qaraşa-jeltoqsan ailarynda URTG Group Group-pen bırge jürgızıldı. Zertteu barysynda Qazaqstan Respublikasynyŋ barlyq öŋırlerınen 2000 respondentke saualnama jürgızıldı.
Ozon Qazaqstan — ştab-päterı Almatyda ornalasqan köp sanatty marketpleis. Kompaniia 2021 jyldan bastap elde özınıŋ logistikalyq infraqūrylymyn damytyp keledı. Bügınde kompaniianyŋ logistikalyq quattylyǧy respublikada 2 fulfilment-ortalyqty, Almaty men Astana qalalaryndaǧy 2 sūryptau ortalyǧyn, sondai-aq Qostanai, Aqtöbe, Atyrau jäne Şymkent qalalaryndaǧy 4 sūryptau ortalyǧyn qamtidy. 2024 jyly Ozon Qazaqstan ainalymy 2023 jyldyŋ säikes kezeŋımen salystyrǧanda 3 eseden astam östı.
