Úndistan men Pákistan shekarasyndaǵy Attarı biriktirilgen baqylaý-ótkizý beketi jabylatyn boldy, dep habarlaıdy "Adyrna" ulttyq portaly.
Bul sheshim Kashmırdiń ońtústiginde oryn alǵan teraktiden keıin qabyldanǵanyn Úndistannyń Syrtqy ister mınıstrligi málimdedi.
Times of India basylymynyń jazýynsha, sheshim dereý kúshine enedi. Shekarany jaramdy qujattarmen kesip ótken Pákistan azamattary 2025 jyldyń 1 mamyryna deıin osy marshrýt arqyly keri oralýyna ruqsat etiledi.
Aıta keteıik, Úndistan men Pákistan arasyndaǵy saıası shıelenisterge baılanysty eki eldiń arasynda resmı shekaralyq ótkelder sany shekteýli, sonyń ishinde eń mańyzdysy – Attarı beketi.
Teraktiden keıin Úndistan birneshe qosymsha sankııalar engizdi.
Ind ózeni týraly 1960 jylǵy kelisim toqtatylady. Bul kelisim Pákistanǵa sý resýrstaryn turaqty túrde paıdalanýǵa múmkindik berip kelgen. Endi kelisim tek Pákistan transshekaralyq terrorızmnen anyq ári qaıtarymsyz túrde bas tartqan jaǵdaıda ǵana qaıta jandandyrylady.
Pákistan azamattaryna SAARK aıasyndaǵy vızasyz kirý tártibi toqtatylady. Buǵan deıin SPES vızasy boıynsha berilgen barlyq vızalar joıyldy. Qazirgi ýaqytta Úndistanda SPES vızasymen júrgen Pákistan azamattaryna elden 48 saǵat ishinde ketý talap etiledi.
Pákistannyń Joǵarǵy komıssııasyndaǵy qorǵanys, ásker, teńiz jáne avıaııa boıynsha keńesshiler «persona non grata» dep jarııalandy. Olar Úndistandy bir apta ishinde tastap ketýi tıis.
Úndistan da óz keńesshilerin Islamabadtaǵy Joǵarǵy komıssııadan keri shaqyrady. Tıisti laýazymdar joıylady.
Eske sala keteıik, Úndistannyń Baısaran ańǵarynda lańkestik shabýyl jasaldy. Saldarynan 27 adam qaza taýyp, taǵy 12 adam jaralanǵan.
