Taldyqorǵan qalasyndaǵy Nazarbaev Zııatkerlik mektebinde «Dostyq dámi» ulttyq taǵamdar festıvali ótti, onda mektep komandalary dástúrli ulttyq taǵamdar kórmesin usyndy.
Qazaqtyń qurty jáne beshbarmaǵy, karavaı, orys quımaqtary, tatar halqynyń bálishi jáne ýchpochmak, ózbek halqynyń palaýy, grýzın eliniń hınkalıi – bul kórme qonaqtary kóre alatyn shaǵyn ǵana tizim. Festıvalde oqýshylar sonymen qatar taǵamdardyń erekshe reepterin aıtyp, shyǵý tarıhymen bólisti.
Is-shara dostyq pen birlik atmosferasyn qura otyryp, oqýshylardy, ata-analar men ustazdardy jınady. Oqýshylar festıvaldi daıyndaýǵa jáne uıymdastyrýǵa belsendi qatysty, bul olarǵa aspazdyq sheberlikterin kórsetip qana qoımaı, sonymen qatar ártúrli halyqtardyń mádenıeti men dástúrleri týraly kóbirek bilýge múmkindik berdi.
«Bul festıval bizge mádenıetter men dástúrlerdiń alýan túrliligin baǵalaýdy úıretti. Ártúrli elderdiń taǵamy adamdardy biriktiretin tarıh ekenin túsindik», – dep bólisti 7 – synyp oqýshysy Danıel Shaıahov.
Osylaısha, «Dostyq dámi» festıvali dám merekesi ǵana emes, sonymen qatar ártúrli halyqtardyń dostyǵy, ózara túsinistigi men mádenı murasyn qurmetteý týraly mańyzdy sabaqqa aınaldy.
