«Nazarbaev Zııatkerlik mektepteri» derbes bilim berý uıymy halyqaralyq yntymaqtastyǵyn keńeıtýde. Jańa seriktester qatary Azııadaǵy jetekshi joǵary oqý oryndarynyń biri – Shenchjen qalasyndaǵy Gonkong Qytaı ýnıversıtetimen (CUHK-Shenzhen) tolyqty.
Yntymaqtastyq týraly memorandýmǵa NIS Basqarma Tóraǵasynyń orynbasary Sabyrjan Sádýaqasov pen CUHK-Shenzhen ýnıversıtetiniń akademııalyq baılanystar keńsesiniń dırektory Pol Ke qol qoıdy. Qujat bakalavrıatqa úmitkerlerge arnalǵan Halyqaralyq ashyq esik kúni aıasynda rásimdeldi.
Kelisim NIS túlekterine ne beredi?
Bul yntymaqtastyq Zııatkerlik mektepterdiń oqýshylaryna bilim keńistigin keńeıtip, jańa kókjıekterdi baǵyndyrýǵa jol ashady. Shákirtter zamanaýı bilim berý ádisterimen tanysyp, halyqaralyq akademııalyq almasý baǵdarlamalaryna qatysý, sondaı-aq ǵylymı-zertteý jobalarynda tájirıbe jınaqtaý múmkindigine ıe bolady.
Kelisim aıasynda CUHK-Shenzhen ýnıversıteti NIS túlekterine eki tolyq bakalavrıat shákirtaqysyn taǵaıyndady. Bul shákirtaqylar «Bıznes-ákimshilendirý (qarjylyq ınjınırıng)», «Aýdarma isi (qytaı-aǵylshyn tilderi)» jáne Mýzyka mektebiniń mamandyqtarynan basqa barlyq bilim berý baǵdarlamalaryna qoljetimdi.
Bul nege mańyzdy?
Zııatkerlik mektepterdiń biregeı NIS-Programme bilim berý baǵdarlamasyn álemniń birqatar bedeldi ýnıversıtetteri resmı túrde moıyndaǵan. Qazirgi tańda NIS túlekteriniń dıplomdaryn Qazaqstandaǵy 24 jáne sheteldegi 69 joǵary oqý orny qabyldaıdy. Bul túlekterge álemdik deńgeıdegi aldyńǵy qatarly oqý ordalaryna túsýge keń múmkindik beredi.
CUHK-Shenzhen týraly ne bilemiz?
– QS World University Rankings 2025 jahandyq reıtınginde 36-oryndy ıelengen;
– Kampýstary Shenchjen jáne Gonkong qalalarynda ornalasqan;
– Oqytý úderisi halyqaralyq bilim berý standarttaryna saı aǵylshyn tilinde júrgiziledi;
– Ýnıversıtetke túsýshi talapkerler – Qytaı mektepteriniń úzdik 0,5–1% túlekteri.
Qytaıǵa sapar qalaı ótti?
NIS ókilderi CUHK-Shenzhen ýnıversıtetiniń akademııalyq baǵdarlamalarymen, stýdentterdi qoldaý júıesimen, halyqaralyq almasý múmkindikterimen jáne túlekterge arnalǵan mansaptyq baǵyttarymen tanysty.
Sapar barysynda ıfrlandyrý men jasandy ıntellekt damyǵan qazirgi zamandaǵy bilim berýdiń bolashaǵyna qatysty pikirtalastarǵa erekshe nazar aýdaryldy. Sonymen qatar CUHK-Shenzhen ýnıversıtetinde bilim alyp jatqan NIS túlekterimen kezdesý ótip, olar óz oqý tájirıbelerimen bólisti.
Sabyrjan Sádýaqasovtyń aıtýynsha, CUHK-Shenzhen ýnıversıtetimen ornaǵan yntymaqtastyq NIS-tiń halyqaralyq deńgeıdegi bedelin arttyryp, oqýshylarǵa álemniń úzdik joǵary oqý oryndarynyń birine túsýge biregeı múmkindik beredi.
