«Nazarbaev Ziiatkerlık mektepterı» derbes bılım beru ūiymy halyqaralyq yntymaqtastyǧyn keŋeitude. Jaŋa serıktester qatary Aziiadaǧy jetekşı joǧary oqu oryndarynyŋ bırı – Şenchjen qalasyndaǧy Gonkong Qytai universitetımen (CUHK-Shenzhen) tolyqty.
Yntymaqtastyq turaly memorandumǧa NIS Basqarma Töraǧasynyŋ orynbasary Sabyrjan Säduaqasov pen CUHK-Shenzhen universitetınıŋ akademiialyq bailanystar keŋsesınıŋ direktory Pol Ke qol qoidy. Qūjat bakalavriatqa ümıtkerlerge arnalǧan Halyqaralyq aşyq esık künı aiasynda räsımdeldı.
Kelısım NIS tülekterıne ne beredı?
Būl yntymaqtastyq Ziiatkerlık mektepterdıŋ oquşylaryna bılım keŋıstıgın keŋeitıp, jaŋa kökjiekterdı baǧyndyruǧa jol aşady. Şäkırtter zamanaui bılım beru ädısterımen tanysyp, halyqaralyq akademiialyq almasu baǧdarlamalaryna qatysu, sondai-aq ǧylymi-zertteu jobalarynda täjıribe jinaqtau mümkındıgıne ie bolady.
Kelısım aiasynda CUHK-Shenzhen universitetı NIS tülekterıne ekı tolyq bakalavriat şäkırtaqysyn taǧaiyndady. Būl şäkırtaqylar «Biznes-äkımşılendıru (qarjylyq injiniring)», «Audarma ısı (qytai-aǧylşyn tılderı)» jäne Muzyka mektebınıŋ mamandyqtarynan basqa barlyq bılım beru baǧdarlamalaryna qoljetımdı.
Būl nege maŋyzdy?
Ziiatkerlık mektepterdıŋ bıregei NIS-Programme bılım beru baǧdarlamasyn älemnıŋ bırqatar bedeldı universitetterı resmi türde moiyndaǧan. Qazırgı taŋda NIS tülekterınıŋ diplomdaryn Qazaqstandaǧy 24 jäne şeteldegı 69 joǧary oqu orny qabyldaidy. Būl tülekterge älemdık deŋgeidegı aldyŋǧy qatarly oqu ordalaryna tüsuge keŋ mümkındık beredı.
CUHK-Shenzhen turaly ne bılemız?
– QS World University Rankings 2025 jahandyq reitingınde 36-oryndy ielengen;
– Kampustary Şenchjen jäne Gonkong qalalarynda ornalasqan;
– Oqytu üderısı halyqaralyq bılım beru standarttaryna sai aǧylşyn tılınde jürgızıledı;
– Universitetke tüsuşı talapkerler – Qytai mektepterınıŋ üzdık 0,5–1% tülekterı.
Qytaiǧa sapar qalai öttı?
NIS ökılderı CUHK-Shenzhen universitetınıŋ akademiialyq baǧdarlamalarymen, studentterdı qoldau jüiesımen, halyqaralyq almasu mümkındıkterımen jäne tülekterge arnalǧan mansaptyq baǧyttarymen tanysty.
Sapar barysynda sifrlandyru men jasandy intellekt damyǧan qazırgı zamandaǧy bılım berudıŋ bolaşaǧyna qatysty pıkırtalastarǧa erekşe nazar audaryldy. Sonymen qatar CUHK-Shenzhen universitetınde bılım alyp jatqan NIS tülekterımen kezdesu ötıp, olar öz oqu täjıribelerımen bölıstı.
Sabyrjan Säduaqasovtyŋ aituynşa, CUHK-Shenzhen universitetımen ornaǧan yntymaqtastyq NIS-tıŋ halyqaralyq deŋgeidegı bedelın arttyryp, oquşylarǧa älemnıŋ üzdık joǧary oqu oryndarynyŋ bırıne tüsuge bıregei mümkındık beredı.
