Májiliste ótken otyrysta Ekologııa jáne tabıǵı resýrstar vıe-mınıstri Mansur Oshurbaev Kaspıı teńizin zertteý boıynsha josparlar týraly aıtty, dep habarlaıdy "Adyrna" ulttyq portaly.
Mansur Oshurbaev Kaspıı teńizin lastanýdan qorǵaý jáne onyń bıologııalyq alýan túrliligin saqtaý maqsatynda Ázerbaıjan, Qazaqstan jáne Túrikmenstanda "Kaspıı teńiziniń ekojúıesin qalpyna keltirý: lastanýdy basqarý jáne bıologııalyq ártúrlilikti saqtaý áleýetin arttyrý" jobasy iske asyrylatynyn aıtty. Joba Globaldyq ekologııalyq qordyń granttyq qarajaty esebinen júzege asyrylady.
Otyrystaǵy anyqtamalyq aqparatqa sáıkes, joba 5 jyl ishinde júzege asady, jalpy qarjylandyrý kólemi – 12 mıllıon dollar.
"Jobany BUU-nyń jobalardy basqarý qyzmeti (IýNOPS) Dúnıejúzilik bank jáne IýNEP-pen birlesip iske asyrady. Jobanyń qurylymdyq elementterin kelise aıaqtaý úshin 2025 jylǵy 24-26 sáýir aralyǵynda Aqtaýda IýNOPS jáne Dúnıejúzilik bank mıssııasymen konsýltaııalar ótkizý josparlanyp otyr", – dedi vıe-mınıstr.
Onyń aıtýynsha, sonymen qatar Globaldyq ekologııalyq qordyń granty esebinen Qazaqstannyń Kaspıı teńizindegi bóligin qamtıtyn jeke jobany iske asyrý máselesi qarastyrylýda.
"Bul joba “Qazaqstannyń Kaspıı teńizi bóliginiń jáne oǵan irgeles aýmaqtardyń teńiz jáne jaǵalaýdaǵy resýrstaryn keshendi basqarý” dep atalady. Qarjylandyrý kólemi – 8 mıllıon dollar. Sonymen birge Kaspıı teńizi jaǵalaýyn beıimdeý jobasyn júzege asyrý úshin Beıimdelý qorynan qarajat tartý múmkindigi bar (BUU-Habıtatpen birlesip). Úsh onlaın kezdesý ótkizildi. Jobanyń shamamen quny – 10 mıllıon dollar. Qazir joba tujyrymdamasynyń túpkilikti nusqasy ázirlenip, tıisti memlekettik organdarmen, sonyń ishinde jergilikti ákimdiktermen kelisýge daıyndalýda", – dep qorytyndylady Mansur Oshurbaev.
