QR Premer-mınıstriniń orynbasary Ermek Kósherbaev Qazaqstanǵa arnaıy shaqyrtýmen kelgen Halyqaralyq basketbol federaııasynyń (FIBA) bas hatshysy, 2028 jylǵy Los-Andjeles Olımpıadasynyń úılestirý komıssııasynyń múshesi Andreas Zaglıspen resmı kezdesý ótkizdi.
Kezdesýge QR týrızm jáne sport mınıstri Erbol Myrzabosynov, sondaı-aq Qazaqstan basketbol federaııasynyń prezıdenti Abaı Alpamysov qatysty.
Jıynda taraptar Qazaqstanda jáne halyqaralyq deńgeıde basketbol sportyn damytý máselelerin talqylady. Ásirese ulttyq federaııalardyń áleýetin arttyrýǵa baǵyttalǵan FIBA Plus baǵdarlamasynyń Qazaqstanda júzege asyrylý múmkindikteri sóz boldy. Bul bastama Qazaqstan ulttyq basketbol federaııasymen birlesip iske asyrylmaq.
Bul kezdesý Memleket basshysy Qasym-Jomart Toqaevtyń halyqaralyq sport uıymdarymen baılanysty kúsheıtý jónindegi tapsyrmasyn júzege asyrý aıasyndaǵy mańyzdy qadam bolyp otyr. Prezıdent Parıj Olımpıadasy-2024 júldegerlerimen kezdesýde sportshylardyń básekege qabilettiligin arttyrý jáne álemdik jarystardy Qazaqstanda ótkizý mindetin qoıǵan bolatyn.
Osy maqsatta elimizde halyqaralyq sport uıymdarymen turaqty jáne júıeli dıalog ornaýda. Qazaqstanda Halyqaralyq dzıýdo federaııasynyń prezıdenti Marıýs Vızer, Halyqaralyq aýyr atletıka federaııasynyń prezıdenti Muhammed Djalýd Ál-Shammarı, Halyqaralyq sý sporty federaııasynyń prezıdenti Hýseın Ál-Mýsallam jáne Birikken kúres álemi (UWW) uıymynyń prezıdenti Nenad Lalovıch saparlap keldi. Olar eldegi sport ınfraqurylymymen tanysyp, Qazaqstanmen strategııalyq áriptestikti nyǵaıtý máselelerin talqylaǵan bolatyn.
Endi Qazaqstanǵa komandalyq, oıyn sport túrleriniń ókilderi de kele bastaıdy. Máselen, osy kúnderi FIBA bas hatshysy Andreas Zaglıs Qazaqstanǵa kelse, al aldaǵy ýaqytta UEFA prezıdenti Aleksandr Cheferınniń sapary josparlanyp otyr.
Bul elimizdiń halyqaralyq sport qoǵamdastyǵymen baılanysynyń tereńdep kele jatqanyn kórsetedi. Qazaqstan Úkimeti aldaǵy ýaqytta da osyndaı joǵary deńgeıdegi kelissózder arqyly Qazaqstan sportynyń áleýetin kúsheıtip, álemdik arenadaǵy bedelin arttyrýdy jalǵastyra beredi.
