Ozon قازاقستان جۇرگىزگەن زەرتتەۋگە سايكەس قازاقستاندىقتاردىڭ كۇندەلىكتى جانە مەرەكە قارساڭىنداعى ساۋدالار ءۇشىن ونلاين-شوپينگتى ءجيى تاڭدايتىنى انىقتالدى. ساۋالناما دەرەكتەرى بويىنشا قاتىسۋشىلاردىڭ 50%-دان استامى سىيلىقتاردى ينتەرنەت ارقىلى ساتىپ الۋدى ءجون كورەدى. مۇنى وفلاين-دۇكەندەردەگى ءداستۇرلى ساۋداعا قاراعاندا ونلاين-شوپينگتىڭ ىڭعايلى ءارى ءتيىمدى ەكەندىگىمەن بايلانىستىرۋعا بولادى.
شوپينگ ادەت رەتىندە: قازاقستاندىقتار ونلاين-ساۋدانى سەبەپسىز جاسايدى، الايدا اقشانى اقىلمەن جۇمسايدى
ونلاين-شوپينگ قازاقستاندىقتار ءومىرىنىڭ اجىراماس بولىگىنە اينالۋدا: زەرتتەۋ كورسەتكەندەي، قازاقستاندىقتاردىڭ ۇشتەن ءبىر بولىگى (31,3%) ونلاين-شوپينگتى كۇندەلىكتى ءومىردىڭ ءبىر بولىگى رەتىندە قابىلدايدى جانە ماركەتپلەيستەردەن ەش سەبەپسىز ساۋدا جاسايدى. ماركەتپلەيستەردى تاڭداۋدىڭ نەگىزگى سەبەپتەرى رەتىندە كەڭ اسسورتيمەنت (49%), تارتىمدى باعالار (40%) جانە قاجەتتى ءونىمدى ءاردايىم تابۋ مۇمكىندىگى (36%) تۇر. سۇرانىستىڭ ءوسۋىن Ozon.kz ستاتيستيكاسى دا راستايدى: 2024 جىلى ءبىر پايدالانۋشىعا كەلەتىن تاپسىرىس جيىلىگى 2023 جىلمەن سالىستىرعاندا 56%-عا ءوستى. بۇل ديناميكا ماركەتپلەيستەردىڭ قازاقستانداعى پوزيتسياسىنىڭ نىعايىپ، ساۋدا جاسايتىن ادەتتەگى ارناعا اينالاتىنىن ايقىن كورسەتەدى.
قازاقستاندىقتار ونلاين-شوپينگتى ءتيىمدى پايدالانادى: ساۋالناما ناتيجەلەرىنە سايكەس، ساتىپ الۋشىلاردىڭ كوپشىلىگى (43,9%) تاۋارلاردى تاڭداۋ كەزىندە ءارتۇرلى الاڭدارداعى ۇسىنىستاردى سالىستىرا وتىرىپ، ساپا مەن باعا اراقاتىناسىن باسشىلىققا الادى. رەسپوندەنتتەردىڭ ۇشتەن ءبىرى (32,3%) «تاڭداۋلىلارعا»نەمەسە «سەبەتكە» قوسىلعان تاۋارلارعا جەڭىلدىكتەر بولۋىن قاداعالاپ وتىراتىنىن راستادى. سونداي-اق ءاربىر ءۇشىنشى (30,9%) قازاقستاندىق ساۋدانى اقشا (جالاقى، سىياقى جانە ت.ب.) تۇسكەنگە دەيىن كەيىنگە قالدىرادى. رەسپوندەنتتەردىڭ سونداي بولىگى (شامامەن 30,5%) ساۋدا جاساماس بۇرىن تاۋاردى ساتىپ الۋ قاجەتتىلىگىن باعالاپ، وزىنە «ويلانۋعا ۋاقىت» بەرەدى. ەڭ از تانىمالى (14,9%) «كوردىم - ساتىپ الدىم»ەموتسيونالدى ستسەناريى بولدى، بۇل قازاقستاندىقتاردىڭ شوپينگكە دەگەن سانالى ءارى ۇتىمدى كوزقاراسىن دالەلدەيدى.
مەرەكە قارساڭىندا ونلاين-شوپينگ تانىمالدىلىعىنىڭ ءوسۋى
قازاقستاندىقتار مەرەكەلەرگە دايىندىق كەزىندە ماركەتپلەيستەردى جيىرەك تاڭدايدى. زەرتتەۋگە سايكەس، رەسپوندەنتتەردىڭ 54,8%-ى مەرەكەلىك سىيلىقتار مەن تاۋارلارعا ينتەرنەت ارقىلى تاپسىرىس بەرۋدى تاڭداسا، 39,4%-ى عانا ءداستۇرلى دۇكەندەردى تاڭدايدى. بۇل ءۇردىس ءتۇرلى تاۋار ساناتتارىندا بايقالادى. ماسەلەن، كوسمەتيكا مەن پارفيۋمەريا ساتىپ الۋ ءۇشىن رەسپوندەنتتەردىڭ 49%-ى، ءۇي تاۋارلارى ءۇشىن - 46,5%، بالالارعا ارنالعان تاۋارلار ءۇشىن - 42,1%، ال اكسەسسۋارلار مەن حوببي جانە شىعارماشىلىق تاۋارلارى ءۇشىن - 48,1%-ى ونلاين-شوپينگتى تاڭدايدى. بۇل رەتتە ءاربىر ءۇشىنشى قازاقستاندىق (33%) ماركەتپلەيستە ءبىر تاپسىرىسقا 10 000-نان 30 000 تەڭگەگە دەيىن اقشا جۇمسايدى.
ارينە، مەرەكەلەر ماركەتپلەيستەردەگى ساۋدانى ارتتىرۋدا ماڭىزدى ءرول اتقارادى. قازاقستاندىقتار سىيلىقتاردى بەلسەندى ساتىپ الاتىن ەڭ تانىمال سەبەپتەردىڭ ىشىندە تۋعان كۇن (39,5%), جاڭا جىل (34,4%) جانە حالىقارالىق ايەلدەر كۇنى (25%) ەرەكشەلەنەدى. بۇل تەندەنتسيالار ماركەتپلەيستەردەگى سۇرانىس ديناميكاسىمەن دە راستالادى. مىسالى، جاڭا جىل قارساڭىندا Ozon.kz تاپسىرىستار سانى شامامەن 70%-عا ءوستى.
بۇدان بولەك، ماركەتپلەيستەردە ءاربىر التىنشى قازاقستاندىق دەمالىس (16,7%) نەمەسە وقۋ جىلىنىڭ باستالۋى (16,4%) الدىندا تاۋارلارعا تاپسىرىس بەرەدى. ساتىپ الۋشىلاردىڭ تاعى 15%-ى مەرەيتوي نەمەسە ەستەلىك داتالارعا ارناپ ونلاين ساۋدا جاسايدى. شامامەن ءاربىر ونىنشى ادام ۇيلەنۋ الدىندا (11,3%), سونداي-اق ناۋرىز قارساڭىندا (10%) ونلاين-شوپينگكە جۇگىنەدى. باتىس داستۇرلەرى (اۋليە ۆالەنتين كۇنى - 5,8%، حەللوۋين - 5,4%) ازىرگە رەسپۋبليكا تۇرعىندارى اراسىندا ونلاين-ساۋدا جاساۋدىڭ نەگىزگى سەبەپتەرىنە جاتقىزىلمادى.
قازاقستاندىقتار Ozon.kz-تە ناۋرىزعا قالاي دايىندالدى
Ozon قازاقستان كوكتەمنىڭ باستى مەرەكەسى قارساڭىندا قازاقستاندىقتاردىڭ جاساعان ساۋدالارىن تالداپ، نەگىزگى مەرەكەلىك ساناتتاردا سۇرانىستىڭ ايتارلىقتاي وسكەنىن انىقتادى. ماسەلەن، اقپان ايىنىڭ سوڭى مەن ناۋرىز ايىنىڭ سوڭى ارالىعىندا رەسپۋبليكا تۇرعىندارى كوبىنە Ozon.kz-تەن ناۋرىز كەزىندە مەرەكەلىك داستارحاندى بەزەندىرەتىن جارىق پەن جاڭارۋدىڭ ءداستۇرلى سيمۆولى بولىپ تابىلاتىن شامدارعا تاپسىرىس بەرگەن. مەرەكە قارساڭىندا بۇل ونىمگە سۇرانىس 2 ەسەدەن اسا وسكەن (+110%). ىدىس-اياق تا سۇرانىسقا يە بولدى - شىنىاياقتار مەن شاي ىدىستارىنا دەگەن سۇرانىس 20%-عا، تاباقتارعا 54%-عا وسكەن.
سىيلىق رەتىندە قازاقستاندىقتار كوبىنەسە دەنە كۇتىمىنە (+79%), بەتكە ارنالعان (+50%) كوسمەتيكا جيىنتىعىنا، سونداي-اق پارفيۋمەرياعا (+47%) تاپسىرىس بەرگەن. سونىمەن قاتار، 2025 جىلى «سۇلۋلىق جانە دەنساۋلىق» ساناتىنداعى ناۋرىز الدىنداعى ورتاشا چەك 2 ەسەگە جۋىق وسكەن.
داستارحانعا ارنالعان ءداستۇرلى تاعامدار دا تانىمال ساۋدا تىزىمىندە بولدى: سوڭعى ايدا ماركەتپلەيستە توساپقا (+33%), ءپىسىرۋ دەكورىنا (+28%), بالعا (+22%) جانە جاپىراقتى شايعا (+20%) سۇرانىس كۇرت ءوستى.
زەرتتەۋ 2024 جىلدىڭ قاراشا-جەلتوقسان ايلارىندا URTG Group Group-پەن بىرگە جۇرگىزىلدى. زەرتتەۋ بارىسىندا قازاقستان رەسپۋبليكاسىنىڭ بارلىق وڭىرلەرىنەن 2000 رەسپوندەنتكە ساۋالناما جۇرگىزىلدى.
Ozon قازاقستان — شتاب-پاتەرى الماتىدا ورنالاسقان كوپ ساناتتى ماركەتپلەيس. كومپانيا 2021 جىلدان باستاپ ەلدە ءوزىنىڭ لوگيستيكالىق ينفراقۇرىلىمىن دامىتىپ كەلەدى. بۇگىندە كومپانيانىڭ لوگيستيكالىق قۋاتتىلىعى رەسپۋبليكادا 2 فۋلفيلمەنت-ورتالىقتى، الماتى مەن استانا قالالارىنداعى 2 سۇرىپتاۋ ورتالىعىن، سونداي-اق قوستاناي، اقتوبە، اتىراۋ جانە شىمكەنت قالالارىنداعى 4 سۇرىپتاۋ ورتالىعىن قامتيدى. 2024 جىلى Ozon قازاقستان اينالىمى 2023 جىلدىڭ سايكەس كەزەڭىمەن سالىستىرعاندا 3 ەسەدەن استام ءوستى.
