Qazaqstanda atom salasy úshin bilikti kadrlar daıarlaý belsendi túrde júzege asyrylýda. Energetıka mınıstrliginiń málimetinshe, elimizde fızıka, energetıka, elektrotehnıka jáne taý-ken ınjınırıngi sekildi salalarǵa baılanysty 18 bilim berý baǵdarlamasy boıynsha mamandar daıarlanady, dep habarlaıdy "Adyrna" ulttyq portaly.
2024-2025 oqý jylyna osy baǵyttar úshin 5 246 bilim berý granty bólingen, onyń ishinde bakalavrıat úshin 4 530 grant, magıstratýra úshin 590 grant, doktorantýra úshin 126 grant qarastyrylǵan.
Mamandardy daıarlaý Qazaqstannyń joǵary oqý oryndarynda, sondaı-aq ıadrolyq tehnologııalarǵa mamandanǵan jetekshi sheteldik joǵary oqý oryndarymen yntymaqtastyq aıasynda júzege asyrylýda.
«Bolashaq» memlekettik baǵdarlamasy aıasynda «Atom jáne ıadrolyq ónerkásip» mamandyǵy basym baǵyttar qataryna kiredi. 2024 jyldan bastap AQSh, Ulybrıtanııa jáne Franııada osy mamandyq boıynsha bilim alatyn tórt magıstrant daıyndalýda, al Reseı men Majarstan da osy elder qataryna qosylmaq.
Atom salasy boıynsha kadrlardy daıarlaý úshin qazaqstandyq joǵary oqý oryndarynda 5 bilim berý jáne eki dıplomdyq baǵdarlamalar bar. Bul baǵdarlamalar ıadrolyq fızıka, ıadrolyq ınjenerııa, atom energetıkasy jáne teorııalyq ıadrolyq fızıka salalarynda bilim alýdy qamtıdy. Sonymen qatar, Qazaqstan sheteldik áriptesterimen ǵylymı jáne bilim berý bazasyn damytý boıynsha jumys júrgizýde. Franııa, Reseı jáne Vengrııamen birqatar qujattarǵa qol qoıylǵan.
Qazaqstannyń otyn-energetıkalyq keshenin damytýdyń 2023-2029 jyldarǵa arnalǵan tujyrymdamasyna sáıkes, atom salasy boıynsha joǵary bilikti kadrlar daıarlaý úshin sheteldik baǵdarlamalar arqyly oqýǵa granttar bólinedi. Sonymen qatar, jumys istep turǵan atom elektr stanııalarynda praktıkalar men taǵylymdamalar uıymdastyrylady.
