Ūly Otan soǧysy jyldarynda mädeniet maidan men tylda halyqtyŋ ruhyn köteru ısınde maŋyzdy röl atqardy. Soǧys jyldary qazaqstandyq ärtıster 36 525 konsert ötkızıp, olardy 9 337 000 adam tamaşalady. Būl turaly QR Mädeniet jäne aqparat ministrı Aida Balaeva Almatyda ötken «Jeŋıstıŋ: ūrpaqtar men halyqtardyŋ bırlıgı» konferensiiasynda aitty.
Konferensiia jūmysyna QR Prezidentı Äkımşılıgınıŋ Işkı saiasat bölımınıŋ meŋgeruşısı Abzal Nükenov, Resei Federasiiasy Prezidentınıŋ şet eldermen aimaqaralyq jäne mädeni bailanystar jönındegı basqarmasy basşysynyŋ orynbasary Anton Rybakov, Resei Federasiiasynyŋ Jastar ısı jönındegı federaldyq agenttıgı basşysy Grigorii Gurov, ekı eldıŋ ǧalymdary men sarapşylary, sondai-aq belsendı jastar qatysty.
1943 jyly respublikada qazaq aitysy qaita jandanyp, aqyndar jauyngerler men eŋbekkerlerdıŋ erlıgın jyrǧa qosty. Osy uaqytta Qazaqstanǧa evakuasiialanǧan 90-ǧa juyq jazuşy qazaq ädebietı qairatkerlerınıŋ qataryn tolyqtyrdy. Olardyŋ ışınde Aleksei Tolstoi, Sergei Mihalkov, Fiodor Panferov, Konstantin Paustovskii, Samuil Marşak, Mihail Zoşenko jäne basqalary bar. Sondai-aq, 90-ǧa juyq aqyn-jazuşy maidanǧa attanyp, soǧysqa qatysty.
«Memleket mädeniettı tek qoldap qana qoimai, ony nysanaly türde halyq arasyna taratty, onyŋ quatty ruhani küşın Ūly Jeŋıske jetudıŋ bır tetıgı retınde şeber paidalandy ärı damytuǧa küş saldy. Qazaqstandyq sahna jäne muzyka önerınıŋ şeberlerı maidanda zor sūranysqa ie boldy. Arnaiy jyljymaly konserttık brigadalar qūrylyp, olar maidan şebınde jäne gospitalderde konsert qoidy», – dedı A. Balaeva.
Sahnada tek būrynnan tanymal tuyndylar ǧana qoiylyp qoimai, soǧys jyldarynda tūŋǧyş premeralar da öttı. Mäselen, 1942 jyly Qazaqstanda alǧaş ret opera janryndaǧy qoiylym sahnalandy. Onyŋ avtory – Evgenii Brusilovskii, al tuyndy «Gvardiia, alǧa!» dep ataldy.
1944 Ahmet Jūbanov pen Latif Hamididıŋ «Abai» operasy sahnaǧa şyqty. Bügınde Natalia Sas esımın ielenıp otyrǧan balalar men jasöspırımder teatry (TIýZ) aşyldy. Sol jyly kompozitorlar Mūqan Tölebaev, Evgenii Brusilovskii jäne Latif Hamidi bırıgıp, Qazaq KSR-ınıŋ alǧaşqy memlekettık änūranyn jazdy.
Soǧys kezeŋı Qazaqstannyŋ beineleu önerı üşın de maŋyzdy kezeŋ boldy. Suretşıler 2 500-denastam keskındeme, grafika jäne müsın tuyndylaryn jasady. Būl şyǧarmalarda keŋes adamdarynyŋ maidan men tyldaǧy patriotizmı, tabandylyǧy, erlıgı men qaharmandyǧy beinelendı. Qazaqstan keskındemesı men grafikasynyŋ damuyna qosqan ülesı üşın Qazaq KSR Joǧarǧy Keŋesı Prezidiumynyŋ şeşımımen Äbılhan Qasteev pen Moisei Levinge «Qazaqstannyŋ halyq suretşısı» ataǧy berıldı.
