2025 jyly 5-6 sáýir aralyǵynda Almaty qalasy Narhoz ýnıversıtetinde Respýblıkanyń barlyq pikirsaıys klýbtaryn qamtıtyn TEO CUP XIV týrnıri ótedi.
TEO CUP Respýblıkalyq týrnıri – TEO JPM dástúri boıynsha jyl saıyn uıymdastyrylatyn respýblıkalyq týrnır. TEO CUP – respýblıkadaǵy debat klýbtary arasyndaǵy aýqymdy, tanymal týrnırlerdiń biri. Pikirsaıys - jas býynnyń synı oılaý men utymdy qarsylyqtaryn keltire otyryp ózekti máseleni joǵary deńgeıde sheshý joldaryn úıretetin, azamattyq ustanymdy qalyptastyryp, kóshbasshylyq qasıetterin damytatyn, jastardyń tulǵa bolyp qalyptasýynda úlken úles qosatyn óner.
TEO CUP respýblıkalyq týrnıriniń ýnıversıtet qabyrǵasynda ótýi – tyń jáne ozyq ıdeıaly jastardy anyqtaýda mańyzdy oqıǵa. Nátıjesinde, týrnır jańa talapkerlerdi tartý, ýnıversıtet debatyn qalyptastyrý, akademııalyq ortaǵa úles qosý, BAQ seriktesterdi tartý men ózindik brend pen ımıdj qalyptastyrýda mańyzdy.
Modern Kazakh – zamanaýı qazaqstandyq qoǵamnyń bet-beınesi, onyń qundylyqtary, bolashaǵy jáne jahandaný jaǵdaıyndaǵy orny. Týrnır tematıkasy jastardyń qoǵamnyń ózekti máselelerinde tysqary qalyp ketpeı, óz úlesterin qosýǵa, azamat degen atqa laıyq bolýǵa baýlıdy. Pikirsaıysqa jastardy tartý – progressıvti, ádiletti jáne sanaly qoǵam qurýdyń mańyzdy qadamy
Týrnır Alfa jáne Betta lıgalarynda ótedi. Oıynnyń ótý formattary kelesideı: Brıtandyq parlamenttik format (BPF), Amerıkalyq parlamenttik format (APF) jáne Lınkoln-Dýglas (LD).
Pikirsaıysta qamtylatyn negizgi taqyryptar:
-
Qazirgi Qazaqstandaǵy áleýmettik ózgerister
-
Ekonomıkalyq damý men ınnovaııalar
-
Jastardyń róli jáne jańa kóshbasshylar
-
Ulttyq biregeılik pen jahandaný
TEO CUP XIV týrnırinde kútiletin qonaqtar:
-
Maqsat Halyq – SANA FOUNDATION Qoǵamdyq Qorynyń, SANA BUSINESS ACADEMY tóraǵasy
-
Erbolat Muhamedjan – ekonomıst, jýrnalıst jáne qoǵam qaıratkeri.
-
Rýslan Sultanuly Jeldibaı — Qazaqstan Respýblıkasynyń Prezıdentiniń keńesshisi – Prezıdenttiń baspasóz hatshysy.
Respýblıkanyń eń myqty pikirsaıysshylary qoǵam men ekonomıkadaǵy, áleýmette bolyp jatqan ózekti máselelerdi ártúrli qyrynan qarastyryp, óz oılary men usynystaryn dálelmen keltire otyryp eń úzdik debat oıynshysyn anyqtaıtyn bolady. TEO CUP XIV týrnıri – qoǵamdaǵy ózekti máselelerge jańasha kózqaraspen qarap, kreatıvti sheshimder usynýdyń, synı jáne kommýnıkatıvti daǵdylardy damytyp, ózgeristerge yqpal ete alatyn bolashaq kóshbasshylardy daıyndaýdyń kásibı alańy.
Týrnır negizinde kútiletin nátıje:
-
Ýnıversıtet bedeliniń artýy
-
Jańa talapkerler men seriktesterdi tartý
-
Úzdik pikirsaıysshylardy anyqtaý
-
BAQ kózderine shyǵý
Osy oraıda, ótkizileıin dep otyrǵan bul aýqymdy týrnırdiń jańalyqtaryn jiberip almas úshin TEO JPM áleýmettik jelilerin baqylap otyryńyz.
Kúni: 5-6 sáýir 2025 jyl.
Ýaqyty: 9:30
Ótetin orny: Jandosov kóshesi 55, Narhoz Ýnıversıteti
