Eýropalyq qaıta qurý jáne damý banki (EQDB) mańyzdy mıneraldar men jasyl energetıka salalarynda 2027 jylǵa deıin 7-8 mıllıard eýrony quraıtyn jobalar paketin ázirleýde.
Aqparatqa sáıkes, Samarqandta Ortalyq Azııa-Eýropa Odaǵynyń birinshi sammıti ótip jatyr. Onda Shavkat Mırzııoev sóz sóılep, óńirler arasyndaǵy áriptestik pen yntymaqtastyq týraly «tolyq quqyqty» kelisim jasaýdy usyndy.
Eýroodaq «Global Gateway» baǵdarlamasy aıasynda Ortalyq Azııa elderine 12 mıllıard eýro kóleminde ınvestıııalyq paket jarııalaǵan. Bul týraly 4 sáýirde Ortalyq Azııa – Eýroodaq sammıtinde Eýropalyq komıssııa tóraǵasy Ýrsýla fon der Lıaıen málimdedi.
Óz sózinde Eýrokomıssııa basshysy aımaqtar arasyndaǵy yntymaqtastyqtyń tórt baǵytyn atap ótti: Transkaspıı korıdory, krıtıkalyq mıneraldar, «jasyl» energetıka jáne ıfrlyq baılanys.
«Aldaǵy progresti jedeldetý úshin búgin men qýanyshpen 12 mıllıard eýro kóleminde Global Gateway ınvestıııalyq paketin jarııalaımyn. Bul bizdiń Odaq pen múshe memleketteriniń ınvestıııalaryn biriktiredi», — dedi Ýrsýla fon der Lıaıen.
Onyń aıtýynsha, bul «eýropalyq komandalyq tásil», jáne jańa ınvestıııalyq paket Ortalyq Azııada jańa jobalar serııasynyń bastalýyna negiz bolady.
«Bul shynymen de bizdiń ejelgi dostyǵymyzda jańa dáýirdiń bastamasy», — dep atap ótti Eýrokomıssııa basshysy.
12 mıllıard eýro kólemindegi ınvestıııalyq paket tórt sala boıynsha bólinedi: kólik (3 mıllıard eýro), krıtıkalyq mıneraldar (2,5 mıllıard eýro), gıdroenergetıka jáne klımat (6,4 mıllıard eýro), spýtnıktik ınternet (100 mıllıon eýro).
Sonymen qatar, Eýropalyq qaıta qurý jáne damý banki (EQDB) 2027 jylǵa deıin krıtıkalyq mıneraldar men jańartylatyn energııa sııaqty salalardy qamtıtyn jobalar paketin 7-8 mıllıard eýro kóleminde ázirleýde.
Eýropalyq ınvestıııalyq bank (EIB) Tájikstan, Qyrǵyzstan jáne Ózbekstanmen tórt túsinistik memorandýmyn jasasyp, turaqty kólik, sý retteý jáne klımat ózgerisine beıimdelý máselelerine 365 mıllıon eýro bólýge daıyndalyp jatyr.
