AQSh-tyń basty federaldy agenttikteri FBR, Memlekettik departament jáne Pentagon, qyzmetkerlerine Ilon Mask jibergen elektrondyq hatqa jaýap bermeýdi tapsyrdy, dep habarlaıdy "Adyrna" ulttyq portaly BBC-ge silteme jasap.
Mask memlekettik qyzmetkerlerden óz jumysynyń tıimdiligine baǵa berýin talap etken edi.
Donald Tramptyń jańa ákimshiliginde Mask Úkimet tıimdiligi departamentin (DOGE) basqarady. Onyń aıtýynsha, bul departamenttiń negizgi mindetteri – bıýdjettik shyǵyndardy azaıtý, artyq bıýrokratııany qysqartý jáne jemqorlyqpen kúresý.
Ótken senbide Mask basqaratyn Qyzmetkerlerdi basqarý keńsesi (Office of Personnel Management – OPM) mıllıondaǵan memlekettik qyzmetkerlerge elektrondyq hat jiberip, ótken aptadaǵy jumystary týraly qysqasha esepti dúısenbige deıin joldaýdy talap etti.
Mask eger kimde-kim bul talapty oryndamasa nemese belgilengen merzimdi buzsa, ony "óz erkimen otstavkaǵa ketý" dep sanaıtynyn málimdedi.
"Bul talap zańsyz ári oıǵa qonymsyz. Mask úkimettik qurylymdarǵa jáne óz isine adal memlekettik qyzmetkerlerge qysym kórsetýdi jalǵastyrýda", – dep málimdedi Vırdjınııa shtatynyń demokrat kongressmeni Djerrı Konnollı.
Keıbir agenttikter qyzmetkerlerine Masktyń talabyn oryndaýdy usynsa, keıbir vedomstvolar kerisinshe jaýap berýden bas tartty.
Jeksenbi kúni Mask H áleýmettik jelisinde (burynǵy Twitter) kóptegen esepterdi alǵanyn jáne birqatar memlekettik qyzmetkerlerdi joǵary tıimdiligi úshin marapattaýdy josparlap otyrǵanyn jazdy.
Degenmen, AQSh-tyń negizgi federaldy vedomstvolary bul bastamany qoldamady.
Jańadan taǵaıyndalǵan FBR dırektory Kesh Patel senbi kúni keshke qyzmetkerlerine OPM-niń suranysyna jaýap bermeý týraly nusqaý jiberdi. Ol FBR jumysyna kez kelgen tekserýler tek dırekııa arqyly júrgiziletinin eske saldy.
Osyǵan uqsas málimdemeni AQSh Memlekettik departamenti de jasady, olar tek óz basshylyǵy ǵana agenttiktiń jumysyna baǵa bere alatynyn aıtty.
AQSh Memlekettik departamentiniń joǵary laýazymdy qyzmetkeri Tıbor Nad qyzmetkerlerge jibergen elektrondyq hatynda "Eshbir qyzmetker óz departamenti ishindegi sýbordınaııadan tys esep berýge mindetti emes" dep málimdedi.
Sonymen qatar, Pentagon, AQSh Ishki qaýipsizdik mınıstrligi jáne Tótenshe jaǵdaılardy basqarý federaldy agenttigi (FEMA) de óz qyzmetkerlerine Masktyń suranysyna jaýap bermeýdi tapsyrdy.
"Qajet bolǵan jaǵdaıda ǵana Qorǵanys mınıstrligi OPM-nen kelgen elektrondyq hatqa jaýap berý tártibin úılestiretin bolady", – delingen Pentagon basshylyǵynyń óz qyzmetkerlerine joldaǵan úndeýinde.
