Qazaqstanda reseılik zańdy tulǵalar sany jyldan-jylǵa qysqaryp keledi, dep habarlaıdy "Adyrna" ulttyq portaly Kommersant.ru basylymyna silteme jasap.
Ulttyq statıstıka bıýrosynyń derekterine súıensek, sońǵy toqsanda elimizde tirkelgen reseılik kompanııalar sany alty jyldaǵy eń tómengi kórsetkishke jetken. Qazirgi tańda Qazaqstanda shamamen 18 myń reseılik kompanııa jumys isteıdi. Bul – 2018 jyldan bergi eń az kórsetkish. Al 2024 jyldyń basynan beri olardyń sany 500-ge azaıǵan.
Mamandar bul úrdisti Reseıge qarsy sankııalyq qysymmen baılanystyryp otyr. Qazaq ulttyq ýnıversıtetiniń professory Maǵbat Spanovtyń aıtýynsha, jaǵdaı úreı týǵyzatyndaı emes.
«Men bul úrdisti qalypty qubylys dep esepteımin. Sankııalar men geosaıası faktorlar Reseı ekonomıkasynyń jalpy belsendiligin tómendetip otyr. Sonymen qatar, arnaıy áskerı operaııa bastalǵan kezde kóptegen reseılik relokanttar Qazaqstanǵa kóship kelip, ýaqytsha bıznesin ashty. Qazir olardyń birazy elge oraldy nemese basqa baǵyttarǵa ketti», – deıdi professor.
Onyń sózinshe, bul tendenııaǵa qaramastan, Qazaqstan men Reseı arasyndaǵy saýda aınalymy azaıǵan joq, alaıda Qytaı birinshi orynǵa shyǵyp, syrtqy saýda kólemi boıynsha Reseıden ozǵan.
Eń kóp qysqarý saýda salasynda baıqalǵan – 200-den astam kompanııa jumysyn toqtatyp, jalpy sany 7,5 myńǵa deıin tústi. IT sektorynda da 70 kompanııa jabylyp, bul saladaǵy reseılik uıymdar sany 2,5 myńǵa deıin qysqarǵan.
Transasia Logistics kompanııasynyń atqarýshy dırektory Kırıll Latınskıı de negizgi sebep – sankııalardyń kúsheıýi ekenin aıtady.
«2023 jyldyń jeltoqsanynda AQSh prezıdenti Djo Baıdenniń jarlyǵy qabyldanyp, reseılik zańdy tulǵalar úshin qarjylyq operaııalardy júrgizý qıyndaı tústi. Bul – Qazaqstandaǵy reseılik bızneske de áser etti», – deıdi ol.
Eske salsaq, bıyl naýryz aıynda AQSh burynǵy prezıdenti Donald Tramp Reseıge qarsy sankııalardy taǵy bir jylǵa uzartqan bolatyn.
