Qazaqstanda reseilık zaŋdy tūlǧalar sany jyldan-jylǧa qysqaryp keledı, dep habarlaidy "Adyrna" ūlttyq portaly Kommersant.ru basylymyna sılteme jasap.
Ūlttyq statistika biurosynyŋ derekterıne süiensek, soŋǧy toqsanda elımızde tırkelgen reseilık kompaniialar sany alty jyldaǧy eŋ tömengı körsetkışke jetken. Qazırgı taŋda Qazaqstanda şamamen 18 myŋ reseilık kompaniia jūmys ısteidı. Būl – 2018 jyldan bergı eŋ az körsetkış. Al 2024 jyldyŋ basynan berı olardyŋ sany 500-ge azaiǧan.
Mamandar būl ürdıstı Reseige qarsy sanksiialyq qysymmen bailanystyryp otyr. Qazaq ūlttyq universitetınıŋ professory Maǧbat Spanovtyŋ aituynşa, jaǧdai ürei tuǧyzatyndai emes.
«Men būl ürdıstı qalypty qūbylys dep esepteimın. Sanksiialar men geosaiasi faktorlar Resei ekonomikasynyŋ jalpy belsendılıgın tömendetıp otyr. Sonymen qatar, arnaiy äskeri operasiia bastalǧan kezde köptegen reseilık relokanttar Qazaqstanǧa köşıp kelıp, uaqytşa biznesın aşty. Qazır olardyŋ bırazy elge oraldy nemese basqa baǧyttarǧa kettı», – deidı professor.
Onyŋ sözınşe, būl tendensiiaǧa qaramastan, Qazaqstan men Resei arasyndaǧy sauda ainalymy azaiǧan joq, alaida Qytai bırınşı orynǧa şyǧyp, syrtqy sauda kölemı boiynşa Reseiden ozǧan.
Eŋ köp qysqaru sauda salasynda baiqalǧan – 200-den astam kompaniia jūmysyn toqtatyp, jalpy sany 7,5 myŋǧa deiın tüstı. IT sektorynda da 70 kompaniia jabylyp, būl saladaǧy reseilık ūiymdar sany 2,5 myŋǧa deiın qysqarǧan.
Transasia Logistics kompaniiasynyŋ atqaruşy direktory Kirill Latinskii de negızgı sebep – sanksiialardyŋ küşeiuı ekenın aitady.
«2023 jyldyŋ jeltoqsanynda AQŞ prezidentı Djo Baidennıŋ jarlyǧy qabyldanyp, reseilık zaŋdy tūlǧalar üşın qarjylyq operasiialardy jürgızu qiyndai tüstı. Būl – Qazaqstandaǧy reseilık bizneske de äser ettı», – deidı ol.
Eske salsaq, biyl nauryz aiynda AQŞ būrynǧy prezidentı Donald Tramp Reseige qarsy sanksiialardy taǧy bır jylǧa ūzartqan bolatyn.
