AQSh bıligi elden shyǵý týraly sot sheshimine baǵynbaı júrgen sheteldik azamattarǵa, sonyń ishinde qazaqstandyqtarǵa, óz erkimen elge oralýǵa múmkindik berip otyr, dep habarlaıdy “Adyrna” ulttyq portaly.
Málimetke sáıkes, zańsyz júrgen azamattar «CBP Home» mobıldi qosymshasy arqyly óz erkimen jáne qaýipsiz túrde Qazaqstanǵa qaıtýǵa ótinim bere alady. Bul rette olar qamaýǵa alynbaıdy, májbúrli deportaııaǵa ushyramaıdy, jáne tapqan qarajaty ózderinde qalady.
Sondaı-aq, qaıtý bıletin satyp alýǵa múmkindigi joq azamattarǵa qarjylaı sýbsıdııa usynylady. Eń bastysy — bul múmkindik bolashaqta AQSh-qa zańdy túrde qaıta kirýge kedergi keltirmeıdi.
Alaıda, óz erkimen elge oralmaǵandarǵa qatań sharalar qoldanylady. Atap aıtqanda, olar táýligine 998 AQSh dollary kóleminde aıyppul tóleıdi. Bul aıyppul sot sheshimi bes jyl buryn shyqqan azamattarǵa qatysty qoldanylady.
Budan bólek, «CBP Home» qosymshasy arqyly qaıtatynyn málimdep, biraq elge oralmaǵandarǵa 1000-5000 dollar aralyǵynda qosymsha aıyppul salynyp, AQSh-qa qaıta kirýge tyıym salynady.
