AQŞ bilıgı elden şyǧu turaly sot şeşımıne baǧynbai jürgen şeteldık azamattarǧa, sonyŋ ışınde qazaqstandyqtarǧa, öz erkımen elge oraluǧa mümkındık berıp otyr, dep habarlaidy “Adyrna” ūlttyq portaly.
Mälımetke säikes, zaŋsyz jürgen azamattar «CBP Home» mobildı qosymşasy arqyly öz erkımen jäne qauıpsız türde Qazaqstanǧa qaituǧa ötınım bere alady. Būl rette olar qamauǧa alynbaidy, mäjbürlı deportasiiaǧa ūşyramaidy, jäne tapqan qarajaty özderınde qalady.
Sondai-aq, qaitu biletın satyp aluǧa mümkındıgı joq azamattarǧa qarjylai subsidiia ūsynylady. Eŋ bastysy — būl mümkındık bolaşaqta AQŞ-qa zaŋdy türde qaita kıruge kedergı keltırmeidı.
Alaida, öz erkımen elge oralmaǧandarǧa qataŋ şaralar qoldanylady. Atap aitqanda, olar täulıgıne 998 AQŞ dollary kölemınde aiyppūl töleidı. Būl aiyppūl sot şeşımı bes jyl būryn şyqqan azamattarǧa qatysty qoldanylady.
Būdan bölek, «CBP Home» qosymşasy arqyly qaitatynyn mälımdep, bıraq elge oralmaǧandarǧa 1000-5000 dollar aralyǧynda qosymşa aiyppūl salynyp, AQŞ-qa qaita kıruge tyiym salynady.
Ūqsas jaŋalyqtar
