19 sáýir kúni AQSh-tyń iri qalalarynda — Vashıngton, Nıý-Iork, San-Franısko jáne basqa da megapolısterde Donald Trampqa qarsy jappaı narazylyq akııalary ótti, dep habarlaıdy "Adyrna" ulttyq portaly Deutsche Welle-ge silteme jasap.
Narazylyq bildirýshiler Aq úı basshysyn avtorıtarlyq basqarý stıli úshin jáne zańsyz mıgranttardy sotsyz deportaııalaý áreketteri úshin synǵa aldy.
Vashıngtonda júzdegen adam Aq úıdiń aldyna jınalyp, qoldaryna «Patsha kerek emes», «Trampqa ımpıchment» degen jazýy bar plakattar ustaǵan. Akııaǵa qatysýshy Bendjamın Dýglas bılik ókilderiniń ksenofobııany qozdyryp, quqyqtyq kepildikterdi buzý úshin jeke tulǵalardy paıdalanatynyn aıtty.
Nıý-Iork qalasynda narazylyq bildirýshiler qoǵamdyq kitaphananyń aldyndaǵy alańǵa jınalǵan. 73 jastaǵy Ketı Valı, otbasy Holokosttan aman qalǵanyn aıtyp, qazirgi jaǵdaı men Gıtlerdiń bılikke kelý kezeńin salystyrýda.
San-Franıskodaǵy Oýshen-Bıch jaǵajaıynda birneshe júz adam jınalyp, óz denelerimen IMPEACH + REMOVE («Impıchment + Qyzmetten ketsin») degen jazý jasap, tóńkerilgen AQSh týyn kóterip shyqty. Bul — daǵdarys pen apattyń dástúrli belgisi retinde qabyldanady.
Narazylyq akııalaryn uıymdastyrýshy — 50501 toby. Bul ataý — «50 shtatta 50 narazylyq jáne bir qozǵalys» degen maǵyna beredi. Uıym óz saıtynda shamamen 400 narazylyq sharasy ótkizilgenin habarlap, olardyń beıbit sıpatta ótýiniń mańyzdylyǵyn atap ótti.
