Armenııa astanasy Erevanda Qazaqstannyń mádenı kúnderi aıasynda qazaqtyń uly oıshyly jáne aqyny Abaı Qunanbaıuly atyndaǵy saıabaqtyń saltanatty ashylýy ótti, dep habarlaıdy "Adyrna" ulttyq portaly.
Armenııaǵa resmı sapary barysynda memleketter basshylary arasynda jasalǵan kelisimniń nátıjesinde júzege asty.
Is-sharaǵa Qazaqstannyń Mádenıet jáne aqparat mınıstri Aıda Balaeva, Armenııanyń bilim, ǵylym, mádenıet jáne sport mınıstri Janna Andreasıan, Erevan meriniń birinshi orynbasary Armen Pambýhchıan jáne Qazaqstannyń Armenııadaǵy elshisi Bolat Imanbaev qatysty. Sondaı-aq eki eldiń zııaly qaýym ókilderi, jergilikti turǵyndar men qonaqtar jıynǵa kýá boldy.
Ashylý saltanatynda sóz sóılegen Aıda Balaeva Armenııa bıligine alǵysyn bildirip, bul oqıǵanyń eki el arasyndaǵy mádenı baılanystardy odan ári tereńdete túsetinin atap ótti.
— Armenııa astanasynda qazaqtyń uly aqyny ári oıshyly Abaı Qunanbaıulyna arnalǵan saıabaq ashylyp otyr. Bul — eki halyq arasyndaǵy dostyqtyń, ózara qurmet pen rýhanı baılanystyń aıqyn kórinisi, — dedi mınıstr.
Is-shara barysynda Qazaqstan men Armenııa mınıstrleri saıabaqqa estelik retinde aǵash otyrǵyzdy. Ashylý sońynda Abaıdyń "Segiz aıaq" shyǵarmasyn oryndaǵan dombyrashylar ansambli men jergilikti ónerpazdar konert qoıyp, qonaqtar qazaq halqynyń ulttyq taǵamdary jáne mádenıetimen tanysty.
Sapar aıasynda Aıda Balaeva bastaǵan delegaııa Mesrop Mashto atyndaǵy Matenadaran — kóne qoljazbalar ǵylymı-zertteý ınstıtýtyna baryp, armıan halqynyń jazba muralarymen tanysty.
Aıta keteıik, Abaıǵa arnalǵan eskertkishter men bıýstter álemniń ondaǵan elinde ornatylǵan. Al Armenııada búgingi tańda 100-den asa qazaqstandyq kásiporyn jumys isteıdi.
