Aqmola oblysynda bilim berý salasynda jyl saıyn júıeli jumystar júrgizilip, jospar boıynsha bólingen qarjy tıimdi ıgeriledi. Bıyl oblysta bilim berý salasyndaǵy strategııalyq qujattardyń negizgi ındıkatorlary men kórsetkishterine qol jetkizilip, Memleket basshysynyń Joldaýynda belgilengen mindetter júzege asyrylýda. Bul týraly oblystyq bilim basqarmasynyń basshysy Aınagúl Baltasheva brıfıngte málimdedi, dep habarlaıdy Óńirlik kommýnıkaııalar qyzmetinen.
Basqarma basshysynyń aıtýynsha, mektepke deıingi bilim berý salasynda 2024 jyly 1,5 myńnan astam jańa oryn qurý mindeti qoıylǵan bolatyn. Búgingi tańda 1964 oryn quryldy, bul josparlanǵannan 121%-ǵa kóp, ıaǵnı 341 orynǵa artyq oryndaldy. 2025 jyly qosymsha 840 oryndyq 3 balabaqsha qurylysy aıaqtalady dep kútilýde. Oblys boıynsha 597 mektepke deıingi bilim berý uıymynda memlekettik bilim berý tapsyrysy júzege asyrylyp, ata-analarǵa ortasha tólem 17805 teńge kóleminde boldy. 2025 jyldyń 1 qańtarynan bastap bul somany 19052,4 teńgege deıin jetkizý josparlanýda, bul mektepke deıingi uıymdarda tamaqtanýdy jaqsartýǵa múmkindik beredi.
«Orta bilim salasynda 139 myńnan astam oqýshy bilim alatyn 534 mektep jumys isteıdi, al mektep kontıngenti ótken oqý jylymen salystyrǵanda 1,5 myń oqýshyǵa artqan. Oblystaǵy 528 memlekettik jalpy bilim beretin mekteptiń 435-i aýyldyq jerlerde ornalasqan, onyń 342-si shaǵyn jınaqtalǵan mektepter», - dedi Aınagúl Baltasheva.
Bıyl Oqý-aǵartý mınıstrligi 126 maqsatty mektepti anyqtap, olardyń pedagogtarynyń biliktiligin arttyrý jáne zamanaýı jabdyqtarmen qamtamasyz etý úshin jobalar iske asyrylýda. Bul jobalar aıasynda 400-den astam pedagog oqytyldy, al 2025 jyly qosymsha kýrstar ótkizý josparlanǵan.
«Áleýmettik osal otbasylardan shyqqan 8142 bala jáne 56154 bastaýysh synyp oqýshysy tegin ystyq tamaqpen qamtylǵan. Áleýmettik osal otbasylardan shyqqan 10 myńnan astam balabaqsha tárbıelenýshilerin tegin tamaqtandyrý úshin oblystyq bıýdjetten 1,8 mıllıard teńge bólingen. Aqmola oblysynda mektepterdegi tamaqtaný baǵasy 2025 jyldyń basynan bastap artady. Jospar boıynsha, tamaqtaný quny bir oqýshyǵa 715 teńgeden 808 teńgege deıin kóterilmek. Bul ózgeris balalardyń tamaqtaný sapasyn jaqsartýǵa baǵyttalǵan», - dep tolyqtyrdy spıker.
Bıyl 10035 oqýshy tasymaldaýmen qamtamasyz etilgen, al 20 mektep avtobýsy satyp alyndy. 2025 jyly avtobýs parki taǵy 9 birlikke tolyqtyrylady.
Elimizde «Jaıly mektep» ulttyq jobasy aıasynda bıyl 12 200 oryndyq 9 bilim berý nysany salynýy josparlanǵan bolatyn, onyń 6-y qazirdiń ózinde iske qosyldy. Qalǵan 3 mektep jaqyn arada paıdalanýǵa beriledi. Sonymen qatar, oblystyq bıýdjetten 1200 oryndyq mektep ashyldy.
Kókshetaý qalasynda 2 balabaqsha men joǵary tehnıkalyq kolledj úshin 300 oryndyq jataqhana qurylysy aıaqtaldy. Jyl sońyna deıin Kókshetaý qalasynda taǵy bir 300 oryndyq jataqhana iske qosylady.
Oqytý úshin qolaıly ortany qamtamasyz etý maqsatynda aǵymdaǵy jyly oblys boıynsha 113 bilim berý nysanynda kúrdeli jáne aǵymdaǵy jóndeý jumystary júrgizildi. Bul maqsattarǵa oblystyq jáne respýblıkalyq bıýdjetten 12 mıllıard teńgeden astam qarjy bólindi. Sonymen qatar, úsh jyldyq jospar aıasynda 90 mektep jańartylyp, zamanaýı jabdyqtarmen qamtamasyz etilýde.
Erekshe bilim berý qajettilikteri bar 12 myńǵa jýyq bala bar, olardyń 1817-si múgedek balalar. 2024 jyly 28 ınklıýzııany qoldaý kabıneti ashylyp, qazirgi tańda oblysta 84 kabınet jumys isteıdi. Sonymen qatar, psıhologııalyq qoldaý ortalyǵy qurylyp, táýlik boıy jumys isteıtin senim telefony iske qosyldy.
«Tehnıkalyq jáne kásiptik bilim berý júıesinde oblysta 29 kolledj jumys isteıdi, onyń 83%-y tegin oqýmen qamtylǵan. 2025 jyly 5700 talapkerdi qabyldaý josparlanyp, onyń 600-i nysanaly daıarlyq sheńberinde qabyldanady»,- dep túıindedi Aınagúl Baltasheva.
Jyl saıyn oblysta 23 myńnan astam pedagog biliktiligin arttyrady. Bıyl 5 myńnan astam pedagog biliktilik arttyrý kýrstarynan ótti. Sonymen qatar, qarasha aıynda Kókshetaý qalasynda alǵash ret pedagogtar sammıti uıymdastyryldy. Semınarda áleýmettik-emoıonaldy oqytý, ınklıýzıvti bilim berý jáne bilim berý tehnologııalary salasynda halyqaralyq sarapshylardyń trenıngteri ótkizildi.
Aqmola oblysynyń bilim berý júıesi zamanaýı talaptarǵa saı damyp, oqý úderisine ınnovaııalyq tehnologııalar engizile otyryp, barlyq bilim berý deńgeılerinde joǵary sapaly bilim berýdi qamtamasyz etý maqsatynda belsendi jumystar júrgizilýde.
