Qoıandy aýylynnyń mektep-lıeıinde «Jas Tulga» atty jastarmen mańyzdy kezdesý ótkizildi.
Atalmysh shara, jastarǵa kásibı baǵdar berý, eńbek naryǵyndaǵy suranysqa ıe mamandyqtar týraly aqparattandyrý jáne adal eńbekke yntalandyrý maqsatynda ótkizildi. Is-sharanyń maqsaty – jastar arasynda esirtkiniń aldyn alý, áleýmettik máselelerdi sheshý, salaýatty ómir saltyn nasıhattaý jáne jastardyń qoǵamdaǵy belsendiligin arttyrý bolyp tabylady.
Kezdesýge «Esbol Qory» qoǵamdyq qorynyń tóraǵasy jáne QR Prezıdenti janyndaǵy jastar saıasaty jónindegi keńestiń múshesi – Jandos Aqtaev, kásibı baǵdar berýshi PhD kandıdaty, «Dauletten» qaıyrymdylyq qorynyń prezıdenti – Jasulan Qýandyq, oblystyq JRO basshysy – Dastan Ermekov, aýdandyq quqyq qorǵaý organdardyń ókilderi, mektep oqýshylary men aýdannyń belsendi jastary jáne uıymdastyrýshylar qatary qatysty.
Dastan Amangeldiuly óńirdegi jastar úshin qandaı jańa jobalar men bastamalar bar ekenin tanystyryp, volonterlik qyzmet pen ózin-ózi damytý múmkindikteri týraly sóz qozǵady. Sonymen qatar, nashaqorlyqtyń aldyn alý, zııandy ádetterden aýlaq bolý máseleleri de kóterildi.
«Esbol Qory» qoǵamdyq qorynyń tóraǵasy – Jandos Berikuly jastarǵa nashaqorlyqtyń zııany men onyń saldary týraly baıandady.
Quqyq qorǵaý organdarynyń ókilderi zań men tártiptiń saqtalýy, jastar arasynda nashaqorlyqtyń taralýynyń aldyn alý sharalary týraly aıtyp, qatysýshylarǵa zań buzýshylyqtyń aýyr saldarlary men esirtkiniń qoǵamǵa keltiretin zardaptary týraly naqty mysaldar keltirdi.
«Nashaqorlyq – tek jeke adamnyń ǵana emes, qoǵam derti. Biz jas urpaqty bul zııandy ádetten aýlaq bolýǵa shaqyramyz. Eń bastysy - durys orta qalyptastyrý, jastardyń bos ýaqytyn tıimdi ótkizýine jaǵdaı jasaý», – dedi spıker.
Jastardyń róli men jaýapkershiligi, qoǵamdaǵy belsendiliktiń mańyzdylyǵyn, eriktilik pen ózin-ózi damytý múmkindikterin talqylady. Jastarǵa tek bilim alyp qana qoımaı, sonymen qatar túrli áleýmettik jobalarǵa belsendi qatysyp, óz ortasyn jaqsartýǵa úles qosý qajettigin aıta ketken jón.
Mamandyq tańdaý jáne bolashaqqa jospar qurý, jastar úshin eń mańyzdy taqyryptardyń biri.
Atalǵan baǵyt boıynsha, bolashaq mamandyqty durys tańdaýdyń negizgi qaǵıdalary men jańa zamanǵa qajetti kásibı baǵyttar týraly, kásibı baǵdar berýshi PhD kandıdaty, «Dauletten» qaıyrymdylyq qorynyń prezıdenti – Jasulan Bostandyquly baıandady.
«Qazirgi naryqta qandaı mamandyqtar suranysqa ıe? Jastar qaı salany tańdaǵany durys? Bul suraqtar árbir túlekti oılandyrady. Bizdiń maqsatymyz – durys tańdaý jasaýy», – dedi spıker.
Kezdesý barysynda qatysýshylar óz suraqtaryna jaýap alyp, tabysty mamandardyń ómirlik tájirıbesimen tanysty. Olar ózderin tolǵandyrǵan suraqtardy qoıyp, naqty jaýap ala aldy.
«Kezdesý jastar úshin paıdaly jáne yntalandyrýshy boldy dep aıtqym keledi. Mundaı kezdesýler men forýmdar jastarǵa kásibı baǵyt berip, bolashaqta durys qadam jasaýǵa kómektesýde mańyzdy ról atqarady. Sonymen qatar, forým jastar arasynda zańdylyq pen tártipti saqtaý, jaman ádetterden aýlaq bolý, sondaı-aq qoǵamnyń esirtkige qarsy kúrestegi kúsh-jigerin arttyrý maqsatynda uıymdastyrylǵan. Is-shara salaýatty ómir saltyn qoldaýdaǵy úlken qadam. Salaýatty ómir salty - jarqyn bolashaqtyń kepili!» - deıdi aýdandyq JRO dırektorynyńy m.a. Mahabat Ireshova.
Shara sońynda aýdan ákiminiń alǵys hattarymen jas urpaqtyń belsendi ókilderi marapattaldy.
elınograd aýdanynyń Jastar resýrstyq ortalyǵy
