Uly Jeńistiń 80 jyldyǵy aıasynda elınograd aýdanynda, qazaqtyń qaharman qyzy, Keńes Odaǵynyń Batyry Álııa Moldaǵulovanyń 100 jyldyǵyna arnalǵan tanymal ánshi, akter, rejısser, dramatýrg, aqyn, «Úzdik dramatýrg» nomınaııasynyń ıegeri Qanat Júnisovtyń «Álııa» dramasymen, tuńǵysh halyqtyq teatrynyń tusaý keseri ótti.
Halyqtyq teatrynyń alǵashqy qoıylymynyń keıipkerlerin somdaǵan áýesqoı akterlar: memlekettik qyzmetkerler, aýdandyq mádenıet úıiniń qyzmetkerleri, 44813 áskerı bólimshesiniń qyzmetkerleri, mektep oqýshylary jáne jergilikti turǵyndar joǵary deńgeıde sahnalasa, Álııa rólin somdaǵan Aqmol aýyly mektep gımnazııasynyń oqýshysy Baıraq Gúljamal kórermenniń ystyq yqylasyna bólendi.
Álııa Moldaǵulovanyń tartysqa toly qıyn kezeńdegi taǵdyryn, bıik, qaıtalanbas dara tulǵa ekendigin, maıdan dalasyna attanýyn, mergenderdi daıarlaý mektebinen ótýin, jaýynger dostarymen, balalar úıindegi tárbıeshilerimen jáne komandırlerimen qarym-qatynasyn qoıylym avtory kórkemdep beınelese, qoıýshy-rejısser Q.Qýanyshbaev atyndaǵy Memlekettik Akademııalyq mýzykalyq drama teatry rejısseriniń kómekshisi, sonymen qatar elınograd aýdandyq mádenıet úıiniń úıirme jetekishisi, «Mádenıet salasynyń úzdigi» tósbelgisiniń ıegeri Gúljan Abdıbaeva halyqqa sheber jetkizip, kórermenniń júregine jol tapty.
Aıta ketetin bolsaq, Uly Jeńistiń 80 jyldyǵyna merekeleý aıasynda, urpaqqa patrıottyq sezimdi oıatý, týǵan elge, jerge degen súıispenshilikti arttyrý, batyrlarymyzdyń erligin nasıhattaý maqsatynda Aqmola oblysynda respýblıkalyq, oblystyq jáne aýdandyq deńgeıde 600-ge jýyq is-shara josparlanyp, onyń 400-den astamy ótkizildi.
Búgingi ótken «Álııa» spektakliniń premerasy is-shara leginiń tamasha bóligine aınaldy.
