Shyryldaǵan sábı daýysyn ájethanadan estigende qutqarýdan basqa eshteńe oılamadym - POLIIIa QYZMETKERI

2791

Balany qoqys jáshigine tastaý, ájethanaǵa laqtyryp ketý, kóshe boıyna qaldyrý... Iá bul sumdyqtyń barlyǵy qazirgi qoǵamda oryn alyp jatqan jaǵdaılar. «Adyrna» ulttyq portalynyń búgingi keıipkeri osydan 6 jyl buryn Qulsary qalasynda anasy ájethanaǵa bosanyp, tastap ketken sábıdi der kezinde qutqaryp alǵan polıııa leıtenanty Amangeldi Muqashev.

Amangeldi Muqashev - Atyraý oblysy Jylyoı aýdanynyń aǵa tergeýshisi qyzmetin atqarady. 2015 jyldyń 7 shildesinde Qulsary qalasyndaǵy turǵyn úı ájethalarynyń birinen jańa týǵan sábıdi der kezinde qutqaryp, ajaldan arashalap qaldy. «Adyrna» tilshisi keıipkerimizden oqıǵany tereńirek bilgisi keldi.

Sol bir sát

-Balany qutqarý kezinde qandaı kúıde boldyńyz? Sol bir sátti eske túsirsek...

-Meniń kezekshiligim bolatyn. Habar kelip túsken soń, dereý oqıǵa ornyna bet aldyq. Biraz adam ájethana janyna jınalyp qalǵan eken. Shyny kerek, oılanyp turýǵa esh ýaqyt bolǵan joq. Bar oıym balany qutqarý edi. Lezde ájethanany buzyp, balany alyp shyqtym. Qudaıdyń da qudireti myqty ǵoı. Sábı nájistiń ústine emes, úıilgen topyraq betinde jatyr eken...

-Mumkin jedel jetpegenińizde sábı ájethanada tunshyǵyp qalar ma edi? Adam ómirin qutqarý dál sizge buıyrǵany qudaıdan buıryq retinde qabyldaısyz ba?

-Balany alyp shyǵamyn dep 1 mınýtqa kirgenim sol edi, qatty tunshyqtym. Qaıta sábı jaıalyqqa oralǵan kúıinde boldy. Meniń ornymda kez-kelgen adam osylaı birden kómek qolyn sozýshy edi. Men – polıeımin. Sondyqtan, ol meniń azamattyq mindetim. Ári qyzmettik paryzym.

Men de ákemin. Shyryldaǵan sábıdiń daýsyn estigen boıda qutqarýdan basqa eshteńe oılaı almadym.

-Bul isińiz jumysta da, ómirde de kóp adamǵa úlgi bola bildi. Sábıdi din-aman alyp shyqtyńyz. Qazir mektep qabyrǵasyn attaǵan bolar. Ómirin ajaldan arashalap qalǵan myna siz týraly bala bilýi kerek syńaıly. Ájesi qamqorlyqqa alǵan eken. Habarlasyp, hal-jaǵdaıyn bilip turasyz ba?

Árıne. Qazir balamen arnaıy habarlasyp turamyn. Kerek jaraǵyna kómektesip, oıynshyqtaryn áperip degendeı. Arasynda bir qoıdy qurbandyqqa shalyp aparyp turamyn. Qolymnan kelgenshe kómektesip júrmin. Anasymen habarlasyp, aqshalaı da qol ushyn bergen sátterim boldy.

-Balanyń anasy qaıda? Qandaıda bir jaza qoldanyldy ma?

-Anasy 1993 jylǵy azamatsha. Aqyl-esiniń damýy tejelgen, aýytqýy bar. Tipti óziniń ekiqabat ekenin de bilmegen. Bastapqyda ájesi baǵymǵa alǵan edi. Qazir anasymen birge turyp jatyr. Aqyl-esinde aýytqý bolǵandyqtan eshqandaı jaza qoldanylmady. Osy qyzmetke kelgeli mundaı jaǵdaıǵa jolyqqanym birinshi ret. Sábıdi syrtqa tastaý degen sumdyq nárse!

-Osy oqıǵa ómirińizge qandaı oı saldy? Ómirińizde ózgerister oryn aldy ma?

-Ózgeris degende sol jyly ózim de sábıli boldym. Aıtarlyqtaı dánege joq. Qutqarý sátin mindetim hám paryzym retinde qabyldaımyn. Óıtkeni meniń qyzmetim osy salada.

-Arada 6 jyl ótti. Osyǵan uqsas jaǵdaılar tirkeldi me?

-Qazir tynysh. Endi oryn almaıa qoısyn dep tileıik.

Ózińizdeı qyzmetine adal adamdar kóp bolǵaı! Áńgimeleskenińizge kóp raqmet!

Injý ÓMIRZAQ,

"Adyrna" ulttyq portaly 

 

 

Pikirler
Uqsas jańalyqtar