Atyrau qalasynyŋ 62 jastaǧy tūrǧyny Marat Mūhanbetälievke bırınşı toptaǧy mügedektıgı men densaulyq jaǧdaiynyŋ auyrlyǧyna qaramastan, därıgerlık-eŋbek komissiiasy kömektesuden bas tartty. Būl turaly «AqJaiyq» basylymy jazdy, dep habarlaidy “Adyrna”.
«Jarty jyldan asa uaqyt kabinetten kabinetke jügırıp jürmın. Bırde emhanaǧa, bırde qaitadan basqa jerge jıberedı. Eŋbek komissiiasy «qūqyǧymyz joq» dep jauap beredı. Qūjat dūrys toltyrylmaǧan deidı, bıraq ol şyndyqqa janaspaidy. Travmatolog qarady, medtekseruden öttım – bärıbır nätije joq. Şarşadym», – deidı ol.
Būl mäsele jaqynda onyŋ qatysuynsyz qaralǧan. Komissiia şeşımınde ol densaulyǧyna bailanysty qatysa alǧan joq dep körsetılgen. Al Marattyŋ aituynşa, şaqyru almaǧan, şaqyrtu jıbergende arnaiy baryp qatysu mümkındıgı bolǧan.
«Sonda menıŋ ornyma bärın şeşıp qoiǧan. Al men jinalys ötkenın de bılgen joqpyn», – dep aşulandy ol.
Arbadan bölek, er adamǧa jörgek siiaqty qarapaiym kütım qūraldary da berılmegen. Olardy tek elordadaǧy qūrylymdar arqyly aluǧa tura kelgen.
Redaksiia joldaǧan saualǧa jauap retınde QR Eŋbek jäne halyqty äleumettık qorǧau ministrlıgıne qarasty halyqty äleumettık qorǧau salasyndaǧy retteu jäne baqylau komitetınıŋ Atyrau oblysy boiynşa departamentı tüsınıkteme berdı. Onda mügedekterdı arnauly tehnikalyq qūraldarmen, sonyŋ ışınde elektrjetektı kreslo-arbalarmen qamtamasyz etu jeke oŋaltu baǧdarlamasyna jäne MÄS komissiiasynyŋ şeşımıne säikes jüzege asyrylatyny aitylǧan.
Mūhanbetälievtıŋ jaǧdaiynda elektrlı arbany qoldanuǧa qarsy körsetılımder anyqtalǧandyqtan, komissiia ony ūsynbaǧan.
«Men endı kabinet jaǧalap jüre almaimyn. Qalai däleldeimın – qolym men aiaǧym joq qoi. Mıne... joq. Özderı körse boldy ǧoi», – deidı ol.
