Prezident Qasym-Jomart Toqaevtyŋ töraǧalyǧymen Qaruly Küşterdegı, basqa da äskerler men äskeri qūrylymdardaǧy äskeri jäne qūqyqtyq tärtıp mäselelerı boiynşa keŋes öttı. Būl turaly bügın, 3 jeltoqsanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Jiynda Bas prokuror Berık Asylov, Işkı ıster ministrı Erjan Sädenov, Qorǧanys ministrı Däuren Qosanov äskeri jäne qūqyqtyq tärtıptı saqtau şaralary, sondai-aq äskeriler arasynda jürgızılıp jatqan tärbie jūmystary turaly baiandama jasady.
Sonymen qatar äskerdegı qūqyqbūzuşylyqtyŋ aldyn alu boiynşa Qaruly Küşter men qūqyq qorǧau organdary basşylary qyzmetınıŋ türlı aspektılerı qarastyryldy.
Prezident zaŋ men tärtıptı odan ärı qamtamasyz etuge, äskerdegı tärbie jūmysyn jetıldıruge, äskeri qyzmetşılerdıŋ mert boluyna jäne jaraqat aluyna jol bermeu boiynşa qabyldanǧan şaralardyŋ tiımdılıgın arttyruǧa baǧyttalǧan bırqatar naqty tapsyrma berdı.
Eske salaiyq, 10 qaraşa künı Astanada äskerde qaza tapqan ia mertıkken sarbazdardyŋ tuystary mitiŋgıge şyǧyp, marqūmdardyŋ ölımın ädıl tergeudı jäne äskerdı reformalaudy talap etken bolatyn.
