Túrkistan oblysynda boıjetkenniń óli denesi jigitiniń kóliginen tabyldy, dep habarlaıdy "Adyrna" ulttyq portaly.
Saıram aýdany Aqsýkent aýylynda 19 jastaǵy boıjetken jumbaq jaǵdaıda kóz jumdy. Qaıǵyly oqıǵa 30 maýsym kúni bolǵan.
Aýdan dúkenderiniń birinde satýshy bolyp jumys isteıtin qyz keshkisin úıine oralmaǵan. Kýágerler qyzdyń jumysynan shyqqan soń jigiti kútip alǵanyn aıtady.
Dılmýra Ergınova úıine sol kúıi jete almaǵan.
Qyzyna alańdaǵan ata-ana boıjetkenniń mundaı ádeti bolmaǵanyn aıtady. Jigittiń otbasyna habarlasqan qyzdyń týystary "ulynyń úıde uıyqtap jatqanyn aıtyp, daýryqpaǵanyn" aıtady.
Qaıǵyly oqıǵa bolǵan kúni jigittiń ata-anasy toıda bolǵan eken.
"Bizge tek tún ishinde habarlady. Qyzymyz sol úıdegi garaj ishindegi kólikten óli kúıinde otyr eken”,– deıdi marqumnyń týǵan ápkesi.
Ákesi sol kúni qyzyna qońyraý shalyp, birde-bir jaýap almaǵanyn aıtady.
“Qyzymda uıaly telefonyn almaı qoıý, habarlamaǵa jaýap bermeý degen ádet eshqashan bolmaǵan. Sodan sekem aldyq. 6 saǵat boıy smartfonyna habarlastyq. Eki nómirine de qońyraý baryp turdy. Biraq tutqany almaıdy. Sońynda kórshi aýyldaǵy úıden tabylǵanyn habarlady. Barsaq, esik aldynda polıııa da, jedel járdem de tur eken. Al qyzym qaıtys bolypty. Ol meniń kenjetaıym edi. Bir ret te qarsy sóılep, urysqan emespin”,– deıdi marqumnyń ákesi Danııar Qurbanalıev.
Qyzdyń máıitin jýýǵa kirgender boıjetkenniń denesinde zorlyqtyń izderi bolǵanyn aıtady.
“Men máıitti jýýǵa kirdim. Kýágermin. Aýzyna qan tolyp qalǵan eken. Mańdaıy da, beti de isip ketken. Jambasynda tistiń izi tur. Qoly da, murny da synǵan. Sińlimiz aryn saqtaý úshin jantalasqan sııaqty”, – deıdi marqumnyń ápkesi Malahat Qurbanalıeva.
Alaıda saraptama nátıjesinde qyz ıis tıip jan tapsyrǵan delingen. Stýdent qyzdyń ólimi jumbaq kúıinde qalǵan. Kúdikti retinde qyzdyń kórshi aýylda turatyn jigiti ustalǵan.
Ǵashyqtar bir-birimen bir jyl boıy sóz baılasyp júrgen. Tipti jigit qyzǵa úılenýdi de josparlaǵan kórinedi.
