Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń músheleri Túrkistan oblysynyń jáne Shymkent qalasynyń turǵyndarymen birqatar kezdesý ótkizdi, dep habarlaıdy "Adyrna" ulttyq portaly azattyq-ruhy.kz-ke silteme jasap.
Máselen, Túrkistanda óńir jurtshylyǵymen, aqsaqaldarmen jáne qoǵamdyq pikir kóshbasshylarymen kezdesý ótip, oǵan 350-ge jýyq adam qatysty. Kandıdattyń saılaýaldy baǵdarlamasynyń óńirlerdi damytýǵa jáne aýyldaǵy áleýmettik ınfraqurylymdy jaqsartýǵa arnalǵan blogyna erekshe nazar aýdaryldy.
«Aldaǵy jyldardaǵy el bolashaǵyn aıqyndaıtyn saılaýǵa birneshe kún qaldy. Ońtústik óńirdiń turǵyndary árqashan aıryqsha saıası mádenıetimen erekshelenedi. Olar osy joly da joǵary azamattyq belsendilik tanytyp, saılaýǵa barynsha kóptep qatysady degen oıdamyn. Bul – elimizdiń tabysty damýy úshin mańyzdy. Bul – barsha qazaqstandyqtar úshin mańyzdy», – dep atap ótti Respýblıkalyq qoǵamdyq shtabtyń múshesi Elnur Beısenbaev.
Budan soń jergilikti jylyjaılardyń biriniń alańynda RQSh músheleri sharýalar men aýyl jastaryna saılaýaldy baǵdarlamada kórinis tapqan aýyl sharýashylyǵynyń ónimdiligin arttyrý sharalaryn túsindirdi.
Osy kúni shtab músheleri salynyp jatqan Muz saraıyna baryp, qurylysshylarmen áńgimelesti. 100-den astam adam qatysqan kezdesý barysynda RQSh músheleri kandıdattyń eńbek adamyn qoldaý jónindegi basymdyqtaryna nazar aýdardy.
Shymkentte aqsaqaldarmen, zııaly qaýym ókilderimen jáne belgili qoǵam qaıratkerlerimen bolǵan kezdesýde kandıdattyń «Ádiletti Qazaqstan: bárimiz jáne árqaısymyz úshin. Qazir jáne árdaıym» dep atalatyn saılaýaldy baǵdarlamasynyń negizgi baǵyttary talqylandy.
Jas ǵalymdarmen jáne ónertapqyshtarmen áńgimelesý barysynda Toqaevtyń jaqtastary ǵylymdy qoldaý máselesin qozǵady. Budan soń shtab músheleri «Ońtústik» arnaıy ekonomıkalyq aımaǵy kásiporyndarynyń qyzmetkerlerimen kezdesip, jınalǵandardyń nazaryn ShOB-ty qoldaý jáne Qasym-Jomart Toqaevtyń saılaýaldy baǵdarlamasynda kórinis tapqan jumysshynyń eńbek quqyqtaryn qorǵaý máselelerine aýdardy.
"Adyrna" ulttyq portaly
