Oblys ortalyǧynda Türkıstan oblysy men Qytai Halyq Respublikasy kompaniialarynyŋ önımderı ūsynylǧan bırlesken körmesı ötıp jatyr. Oǧan Türkıstan oblysynyŋ äkımı Darhan Satybaldy men Qytaidan arnaiy kelgen bırneşe ırı käsıporyn basşylary qatysty. Aimaqqa investisiia tartyp, jergılıktı önımderdı eksportqa şyǧarudy maqsat etken ıs-şarada jalpy sany 60-qa juyq tauar öndıruşınıŋ önımderı qoiyldy. Atap aitqanda, kiım, aiaq kiım, ydystar, tekstil önımderı, elektr maşinalary, künnen qorǧaityn önımder, elektr skuterlerı jäne Türkıstan oblysy boiynşa tamaq, jihaz, himiia, jeŋıl önerkäsıp önımderı ūsynyldy.
- Būl körmenıŋ Türkıstan oblysynda ötuınıŋ maŋyzy joǧary. Oǧan dälel retınde ekı eldıŋ köptegen ortaq bastamalaryn aituǧa bolady. Sauda-ekonomikalyq jäne mädeni-gumanitarlyq qatynastardy damytu tūrǧysynan Qytai Halyq Respublikasy Türkıstan oblysynyŋ maŋyzdy jäne senımdı serıktesı bolyp tabylady. Özara yntymaqtastyqtyŋ arqasynda ekı el arasyndaǧy tauar ainalymy östı. Türkıstan öŋırı elımızdıŋ qarqyndy damyp kele jatqan öŋırlerdıŋ bırı jäne orasan zor investisiialyq jäne turistık äleuetke ie. Memleketterımız arasyndaǧy ekonomikalyq bailanystardy damytuǧa serpın beretın özara investisiiany ūlǧaitu arqyly yntymaqtastyqty odan ärı nyǧaituǧa şaqyramyn. Tarihi Ūly Jıbek jolynyŋ jüregınde ornalasqan Türkıstan oblysynda qytailyq kompaniialardyŋ bastamalaryna tolyq qoldau körsetıledı, - dedı Darhan Amangeldıūly.
Ūqsas jaŋalyqtar
