Bügın Türkıstan qalasynda «Jastar ortalyǧynyŋ» jaŋa ǧimaraty paidalanuǧa berıldı. Saltanatty şaraǧa qatysqan Türkıstan oblysynyŋ äkımı Darhan Satybaldy türkıstandyq jastarǧa zamanaui ortalyqtyŋ kıltın tabystap, är bastamalaryna sättılık tıledı
"Türkıstan oblysy – demografiialyq ösımı joǧary aimaq. Sonyŋ ışındegı 14-35 jas aralyǧyndaǧy jastar sany 663 myŋnan asyp, halyq sanynyŋ 30% qūraidy. Türkıstan qalasynyŋ özınde bügınde 72 myŋǧa juyq jas tūrady. Būl – ülken demografiialyq körsetkış jäne adam kapitaly. Biyl Türkıstan oblysynyŋ qūrylǧanyna 6 jyl tolyp otyr. Osy az ǧana uaqyt ışınde Türkıstan qalasynda jastarǧa qolaily jaǧdailar jasau maqsatynda türlı mädeni, sporttyq nysandar boi köterdı. Sonyŋ bırı, mıne, bügıngı Türkıstan qalasynyŋ «Jastar resurstyq ortalyǧy» ǧimaratynyŋ aşylu räsımınde jinalyp tūrmyz. Būl ǧimarat Türkıstan jastaryna şabyt berıp, elge qyzmet etetın jastardy bırıktıretın ortalyq bolady dep senemın. Jastardyŋ ǧimaraty qūtty bolyp, bastamaşyl ortalyqqa ainala bersın!" – dedı oblys basşysy.
Jastar ortalyǧyna arnalǧan būl nysan jergılıktı biudjet esebınen boi köterdı. Säuletı men saltanaty kelısken ǧimarat täulıgıne 100-den asa jasqa qyzmet körsetedı. Onda jastarǧa bılımın köterıp, salauatty ömır saltyn ūstanuǧa, şyǧarmaşylyqpen ainalysuǧa barlyq jaǧdai jasalǧan. Ortalyq arnaiy demalys aimaǧy, strit-vorkaut alaŋy, elektrondy kıtaphana bölmesı, üiırmelerge arnalǧan bölmeler, şaǧyn sportzal jäne köpfunksionaldy zaldarymen qamtamasyz etılgen. Erıktılerge arnaiy ülken zal men kinoteatr da qarastyrylǧan. Odan bölek, ortalyq janynan amfiteatrdyŋ qūrylys jürgızılıp jatyr.
Aita keteiık, Türkıstan qalasynda 14-35 jas aralyǧynda 71 486 jas bar. Qaladaǧy 2 joǧarǧy oqu orynda 12 265 student bılım alyp jatyr. 8 orta arnauly oqu oryndarynda studentter sany – 7441. Türkıstan qalasy boiynşa jalpy orta mektepterde 7-11 synyptarda 18 844 oquşy bılım aluda.
