Aıdaǵany qos sıyr, ysqyryǵy jer jarar!

297

Jasymyz bar, jasamysymyz bar, sıyr, sıyr dep saıraǵaly birneshe kúnniń júzi boldy. 30 jyl el basqarǵan abyz aqsaqaldyń aqylyn kelemejdeý kimge kerek? Bala baýyr etiń, ony asyrap baǵý, ósirip jetildirý otaǵasynyń tikeleı mindeti dep bilemin! Jaqsylyq jasaımyz dep memleket ár balaǵa 21 myń teńgeden berip jatyr. Ony kim qalaı baǵalaýda? Máselen, tanys-tamyrymyz  alty balany asyrasa da, 21 myń teńge belgilengen kúnnen bastap áıeline biz osy kúnge deıin osy tıyn-tebensiz ómir súrdik, otbasyn baǵý meniń mindetim. Aqshany ár aı saıyn almaı jınaıyq, ol aqshany joq dep sanaıyq dep kelisedi. Kúni keshe jıylǵan qarjyǵa jer alǵanyn aıtyp qýanýda. Endi taǵy úı salýǵa árekettenemiz dep berik sheshim qabyldap otyr.  Qalaı qýanbaısyń? Al, bir kórshim bar on balanyń ákesi,(246 000) , áıeli 11-balaǵa aıaǵy aýyr. 21 myń teńgege deıin tirshilik istep eńbektenetin. Qazir ony da umytqan.  Tipti ótkende estisem tutynǵan elektr energııasyna tólemeı kelipti. Kóp balaly ákemin dep. Al, ne deısizder? Osy masyldyqty kórgen balalary kim bolady? Baıaǵyda aýylda jaǵdaıy qansha tómen bolsada, tikeleı aparyp kómek kórsetseń arlanyp «bizde bári bar, áýre bolmańyzdar» dep otyrýshy edi. Qazir adamnan ar ketti me? Sıyr áńgimesinen shyǵady. Kezinde odaq taraǵanda 16 balanyń ata-anasy, kolhoz qyzmetkerine jaıylymdyq jer men on qoı beredi. Basqalary 100-150 qoıdan, 15-20 sıyrdan alyp jatqan kez. Sol maldaryn "jıgýlı" men "moskvıchke" aıyrbastap ýaqytsha qyzyq kórip jatqan qatarlastary. Al, aǵamyz ben tátemiz on qoıdy alǵa salyp taýdan bergen jaıylymdyq jerge jol tartqan. Al, qazir 4 myńdaı qoı, úsh tabyn sıyr, 6 úıir jylqy. Mine, eńbek! Tyrnaq qımyldatqan adamǵa tirshilik bar! Keltire bersek mysal kóp. Eńbekteneıik, erinbeı.

 

Baqtııar MYRZAHANULY

"Adyrna" ulttyq portaly

Pikirler