Jelıde Qazaqstandy velosipedpen aralaimyn degen qazaqstandyqtyŋ beine blogtary tarady. Ol onda qala men auyl, dala men aimaqtarǧa jol tüzep, saiahatynyŋ qyzyqty sätterın jariialauda. Elımızdıŋ tükpır-tükpırıne qos döŋgelektı tūlparmen velosaiahat jasap, şaqyrymdardy şarşamai eŋsergen qazaqstandyq Mūrat Qarabai hobbiı jaily «Adyrna» tılşısıne äŋgımelep berdı.
ÄUESQOILYQTAN - ÄLEMGE
Mūrat Qarabai – Almaty qalasynyŋ tumasy. Şoqan Uälihanov atyndaǧy №12 orta mekteptı tämamdaǧan. Bala kezınde äskeri adam boludy arman etken ol, qazır būl saladan alys ekenın jetkızdı. Velosaiahatty janyna medeu etken Mūrat myrza temır atyn alǧaşynda jai qydyrys üşın alǧanyn aitty. «Men özıme 2013 jyly bır velosiped satyp alǧanmyn. Onda da jai ǧana dükenge nemese parkte qydyru üşın alǧan edım. Keiın üiden jūmysqa qarai baruǧa aidap şyǧa bastadym. Bırte-bırte 2018 jyldan bastap Medeu jaqqa köterıldım. Bırınşı saparym 3 saǧattyŋ töŋıregıne deiın sozyldy. Bır jyldan keiın, 2019 jyly Esentai men äl-Farabi qiylysynan Medeuge deiın äuesqoi jarysqa daiyndalyp, kädımgıdei jattyǧa bastadym. Sol jarysta medeuge 1 saǧat 35 minutta şyǧyp, 118 qatysuşynyŋ ışınen 59-oryn aldym. Sodan keiın ünemı äuesqoi jarystarǧa daiyndalyp, qatysyp jürmın” dedı ol.«ÖZIM JÄNE ERKINDIK»
Mūrat Qarabai velosiped tebuın karantinnıŋ kezınde immunitetın jaqsartu üşın de toqtatpaǧanyn aitty. Tıptı ol jūrt pandemiiamen küresıp jürgen uaqytta basqa kölık türlerın qoldanbaǧanyn qosa kettı: «2020-jyldan bastap velosipedtı jiı teuıp, tıptı karantinnıŋ kezınde müldem tüspeitın boldym. Öitkenı virustarǧa ūrynbai jüru üşın menıŋ immunitetımnıŋ myqtylyǧy asa maŋyzdy boldy. Auyryp jatqan anaşyma qarap jürdım. Auru jūqtyrmas üşın basqa kölık türlerınen de bas tarttym. Köbınde halyq köp. Al velosipedte özım jäne erkındık» dedı ol.OŊTÜSTIKKE SAPAR
Velosaiahatşy osy joly Oŋtüstık aimaqtarǧa saiahatyn bastaǧan. Almatydan Türkıstan, Şymkent qalalaryna saparlap ondaǧy alǧan äserlerımen, kezıkken qiyndyqtarmen de bölıse kettı. «Osy joryqta maǧan qatty ūnaǧan Jambyl oblysyndaǧy Merke, Türkıstan oblysyndaǧy Tūrar Rysqūlov auyldary. Sondai-aq, Türkıstannyŋ körkeiuıne, damyp jatqanyna taŋǧaldym. Qala sondai ädemı bolyp ketıptı. Būryŋǧy saparlardan Asy-Bartoǧai atty jailauyna saiahatym keremet äser qaldyrǧan edı. Oŋtüstık aimaqtarǧa şekken saparymda eŋ qiyny - qarama-qarsy soqqan jel boldy. Almatydan şyqqaly berı tura aldymnan soǧyp, jyldamdyǧymdy tömendetuıme tura keldı. Bıraq oǧan qaramastan jüre berdım. Oŋtüstık öŋırdegı jolda kezdestırgen adamdardyŋ köbı köŋılderı aşyq, jandary jaisaŋ ekendıgın baiqadym. Keibıreulerı şaidıŋ aqşasyn almai, endı bıreulerı qymyzben qarbyzdy aiaǧan joq. Özımdı ūialtyp jıberdı» dep küldı ol.«SALAUATTY ÖMIR SÜREIIK»
Aitar auyzǧa jeŋıl körıngenmen velosiped tebu, onymen saiahat qūru, bırneşe şaqyrym şabu ülken täjıribe men tözımdı qajet etedı. Dese de, densaulyqqa berer paidasy da mol. «Velosipedpen tūraqty seruen qūru jürek pen qan tamyrlaryn nyǧaitady jäne şynyqtyra tüsedı. Denenı sergek etedı, jūmystan şarşaudy azaitady. Ūiqyŋ da qanyq bolady jäne ünemı energiiaǧa toly jüresıŋ. Velosipedpen jüru kezınde ädettegıden köbırek aua jūtasyŋ, iaǧni ökpe tolyq quatta jūmys ısteidı, olardyŋ kölemı artqan saiyn metabolizm qalypty jaǧdaiǧa oralady. Eger tehnikasyn dūrys qoldanyp, tıze men jürekke auyr äser etpeitındei aidasa, qos döŋgelektıŋ üstınde köpke deiın şabuǧa bolady. Bıraq ūzaq jolǧa şyǧu üşın kündelıktı daiyndyq kerek. Salauatty ömır saltyn ūstanyp jürse ǧana adamdar sportta ülken nätijelerge jete alady” dep atap öttı velosaiahatşy Mūrat.Dina Litpin
«Adyrna» ūlttyq portaly
Ūqsas jaŋalyqtar
