Almaty qalasy Jastar saiasaty basqarmasy qoldauymen, «Human Resources Kazkhstan» jeke mekemesınıŋ ūiymdastyruymen Jetısu audanynyŋ demalys ortalyqtary tärbielenuşılerı Şaryn şatqalyna tanymdyq saparǧa bardy, dep habarlaidy "Adyrna" ūlttyq portaly.
19 şılde künı Almaty qalasy Jastar saiasaty basqarmasynyŋ qoldauymen Jetısu audanynyŋ demalys ortalyqtarynda tärbielenıp jatqan balalarǧa arnalǧan Şaryn şatqalyna tanymdyq baǧyttaǧy ekskursiia ūiymdastyryldy.
Şara aiasynda 50 bala men olardyŋ jetekşılerı elımızdıŋ tabiǧi jauharlarynyŋ bırı - Şaryn şatqalyna baryp, onyŋ ǧajaiyp landşaftymen, tarihi erekşelıkterımen jäne geografiiasymen jaqynyraq tanysty. Tabiǧat aiasyndaǧy jaiau seruen balalar üşın erekşe äserge toly boldy: olar jaŋa mälımetter bılıp, tabiǧatpen etene aralasyp, qorşaǧan ortanyŋ sūlulyǧyn sezındı.
Sapardyŋ negızgı maqsaty - balalardyŋ ekologiialyq mädenietın qalyptastyru, tuǧan ölkenı süiuge baulu jäne patriottyq tärbie beru. Sonymen qatar, jazǧy demalys uaqytyn mazmūndy, belsendı ärı este qalarlyqtai ötkızuge jaǧdai jasau.
Būl - Jetısu audany demalys ortalyqtarynyŋ jazǧy baǧdarlamalar legındegı kezektı tabiǧatqa seruenı. Būǧan deiın balalar üşın Kölsai kölıne de osyndai qyzyqty saiahat ūiymdastyrylǧan bolatyn.
