1 mausym – Oral qalasy bılım beru ūiymdary janyndaǧy jazǧy lagerler saltanatty türde aşyldy. Jazǧy mausymda qalanyŋ 47 mektebınde tamaqtanuy ūiymdastyrylǧan lagerlerde 6500 bala, 50 mekteptegı jäne 2 qosymşa bılım beru ūiymyndaǧy (mektepten tys jūmys ortalyǧy, Oquşylar saraiy) tamaqtanu ūiymdastyrylmaǧan lagerde 45 050 bala demalysyn ötkızedı dep kütılude.
Oral qalalyq bılım beru bölımınıŋ basşysy Aqjarqyn Temırhanovanyŋ aituynşa, QR Oqu-aǧartu Ministrlıgı ūsynǧan jazǧy demalysty ūiymdastyru boiynşa nūsqaulyǧy, BQO bılım basqarmasynyŋ 2024-2026 jyldarǧa arnalǧan balalardyŋ jazǧy kanikul kezınde demalysyn, bos uaqytyn jäne jūmyspen qamtyluyn ūiymdastyru boiynşa ıs-şaralar josparlaryna säikes mektep janyndaǧy tamaqtanuy ūiymdastyrylǧan jäne tamaqtanuy ūiymdastyrylmaǧan lagerlerde qala mektepterınıŋ 1-10 synyp oquşylarynyŋ 94 paiyzy demalysyn ötkızedı dep kütılude. Osy maqsatta mausymnyŋ bırı künı «Atameken» QBJTjEO bazasynda «Altyn balalyq şaq» onkündıgınıŋ aşylu saltanaty öttı. Şaraǧa qala mektepterınen 400 oquşy qatysyp, alaŋdarda täjıribelermen tanysyp, konserttık baǧdarlamany tamaşalady. Mereke aiasynda balalarǧa tättıler ülestırıldı. Onkündık şeŋberınde balalardyŋ mäselelerın şeşu jäne olardyŋ qūqyqtaryn qorǧau maqsatynda «Otbasy aiasynda», «Talanttar şeruı», «Densaulyq ligasy», «Bırlık – tırlık tıregı», «Qauıpsızdık pen meiırımdılık älemınde», «Garmonia», «Dosyŋa quanyş syila», «Zhaz online», «Atadan balaǧa mūra» taqyryptarynda taǧylymdy şaralar, ekskursiialar, qyzyqty oiyndar ötkızu josparlanyp otyr.
Bılım beru bölımıne qarasty «Atameken» qalalyq balalar-jasöspırımder turizmı jäne ekologiia ortalyǧynda üş aida 3430 oquşy demalady dep kütılude. Onyŋ ışınde äleumettık jaǧynan az qorǧalǧan, jetım, ata-anasynyŋ qamqorlyǧynsyz qalǧan balalar 400 bala qamtylǧan.
– Demalysty ūiymdastyrudaǧy basym baǧyttardyŋ bırı – daryndy oquşylardy 50% ata-analary esebınen demalyspen qamtu esepteledı. 230 osy sanattyǧy oquşy «Atameken» lagerınde demalysyn ötkızedı. Qalanyŋ 47 mektebınde tamaqtanuy ūiymdastyrylǧan lagerlerde 6500 bala, 50 mekteptegı jäne 2 qosymşa bılım beru ūiymynda (mektepten tys jūmys ortalyǧy, Oquşylar saraiy) tamaqtanu ūiymdastyrylmaǧan lagerde 45 050 bala demalysyn ötkızedı dep kütılude. Sonymen qatar Borovoe kurorttyq aumaǧyndaǧy lagerlerde jekelengen sanattaǧy otbasylardan 150 balanyŋ demalysy jäne Astana qalasyna osy sanattaǧy 50 oquşy, Şymkent qalasyna 50 oquşy, Türkıstan qalasyna 50 oquşynyŋ ekskursiiasy qarastyryldy, – deidı Aqjarqyn Mütiǧollaqyzy.
Qala mektepterınıŋ 1-10 synyp oquşylaryn jazǧy demalyspen 100 paiyz qamtu közdelıp otyr. Osy maqsatqa aǧymdaǧy jyly memleket qazynasynan 37 684 myŋ teŋge qarjy bölıngen.
Qaladaǧy №50 orta mektep janynan aşylǧan «Aq jelken» jazǧy lagerınde qazır 160 oquşy demaluda.
– №50 orta mektep – qalanyŋ şetınde ornalasqan mektep. Būl mektepte bügınde 1300 oquşy bar. Qazır bırınşı auysymda lagerde 160 bala demalyp jatyr. Onyŋ 30-y – jekelegen sanattaǧylar, olar biudjet qarjysy esebınen qamtylǧan. Al qalǧan balalar elu paiyz biudjet, elu paiyz ata-analardyŋ qoldauymen qarjylandyryldy. Olar bır mezgıl tamaqtanady, taŋǧy 8.30-dan tüskı 13.30-ǧa deiın lagerde oinap, demalyp, qosymşa bılım alady, türlı üiırmelerge qatysady. Jalpy biyl üş auysymda 300 balany qamtudy josparlap otyrmyz. Onyŋ ışınde 30 bala qala syrtyndaǧy lagerge jıberıledı, – deidı №50 orta mektep direktory Möldır Jūmaǧazieva.
Bılım ūiasy bırneşe jyldan berı qala aumaǧynda mektep oquşylaryn jaily lagermen qamtuda bırınşı orynda tūr. Qazır lagerde mekteptıŋ jas mamandary tärbieşı bolyp qyzmet etıp jür.
– Alǧaşqy mausymnyŋ aşylu saltanatynda balalarǧa balmūzdaq taratyldy, ärtürlı animatorlar qonaqqa kelıp, oquşylarǧa erekşe köŋıl küi syilady. Lager kezınde türlı sauyqtyru baǧytyndaǧy ıs-şaralar ūiymdastyrylyp, balalarǧa esten ketpestei köŋıl küi syilauǧa tärbieşıler şynaiy yqylasyn saluda. Lagerge mektep oquşylary erekşe qūlşynyspen kelıp, özderınıŋ jazǧy demalysyn osylaişa köŋıldı bastady. Qazırgı taŋda alǧaşqy auysymda alty topta 160 oquşy demalyp, uaqyttaryn tiımdı, köŋıldı ötkızıp jatyr. Būǧan ata-analar da, mektep ūjymy da erekşe quanyp jatyr. Bız üşın balalardyŋ quanyşynan artyq eşteŋe joq, – deidı mektep basşysy.
Aita ketu kerek, bılım beru ūiymdarynda ötken jinalystarda balalardyŋ qauıpsızdıgı, ata-analardyŋ jauapkerşılıgı turaly mäsele bırneşe ret köterıldı. Balalardyŋ özen-sularǧa eresekterdıŋ qarauynsyz barmauy, sondai-aq qoǧamdyq oryndardaǧy özın-özı ūstau erejelerı tüsındırıldı. Balalardy sauyqtyru, bos uaqyttaryn ūiymdastyru oryndarynda örtke qarsy qauıpsızdık şaralary, sanitariialyq-epidemiologiialyq talaptardy saqtau qataŋ qadaǧalanatyn bolady.
