1 maýsym – Oral qalasy bilim berý uıymdary janyndaǵy jazǵy lagerler saltanatty túrde ashyldy. Jazǵy maýsymda qalanyń 47 mektebinde tamaqtanýy uıymdastyrylǵan lagerlerde 6500 bala, 50 mekteptegi jáne 2 qosymsha bilim berý uıymyndaǵy (mektepten tys jumys ortalyǵy, Oqýshylar saraıy) tamaqtaný uıymdastyrylmaǵan lagerde 45 050 bala demalysyn ótkizedi dep kútilýde.
Oral qalalyq bilim berý bóliminiń basshysy Aqjarqyn Temirhanovanyń aıtýynsha, QR Oqý-aǵartý Mınıstrligi usynǵan jazǵy demalysty uıymdastyrý boıynsha nusqaýlyǵy, BQO bilim basqarmasynyń 2024-2026 jyldarǵa arnalǵan balalardyń jazǵy kanıkýl kezinde demalysyn, bos ýaqytyn jáne jumyspen qamtylýyn uıymdastyrý boıynsha is-sharalar josparlaryna sáıkes mektep janyndaǵy tamaqtanýy uıymdastyrylǵan jáne tamaqtanýy uıymdastyrylmaǵan lagerlerde qala mektepteriniń 1-10 synyp oqýshylarynyń 94 paıyzy demalysyn ótkizedi dep kútilýde. Osy maqsatta maýsymnyń biri kúni «Atameken» QBJTjEO bazasynda «Altyn balalyq shaq» onkúndiginiń ashylý saltanaty ótti. Sharaǵa qala mektepterinen 400 oqýshy qatysyp, alańdarda tájirıbelermen tanysyp, konerttik baǵdarlamany tamashalady. Mereke aıasynda balalarǵa táttiler úlestirildi. Onkúndik sheńberinde balalardyń máselelerin sheshý jáne olardyń quqyqtaryn qorǵaý maqsatynda «Otbasy aıasynda», «Talanttar sherýi», «Densaýlyq lıgasy», «Birlik – tirlik tiregi», «Qaýipsizdik pen meıirimdilik áleminde», «Garmonia», «Dosyńa qýanysh syıla», «Zhaz online», «Atadan balaǵa mura» taqyryptarynda taǵylymdy sharalar, ekskýrsııalar, qyzyqty oıyndar ótkizý josparlanyp otyr.
Bilim berý bólimine qarasty «Atameken» qalalyq balalar-jasóspirimder týrızmi jáne ekologııa ortalyǵynda úsh aıda 3430 oqýshy demalady dep kútilýde. Onyń ishinde áleýmettik jaǵynan az qorǵalǵan, jetim, ata-anasynyń qamqorlyǵynsyz qalǵan balalar 400 bala qamtylǵan.
– Demalysty uıymdastyrýdaǵy basym baǵyttardyń biri – daryndy oqýshylardy 50% ata-analary esebinen demalyspen qamtý esepteledi. 230 osy sanattyǵy oqýshy «Atameken» lagerinde demalysyn ótkizedi. Qalanyń 47 mektebinde tamaqtanýy uıymdastyrylǵan lagerlerde 6500 bala, 50 mekteptegi jáne 2 qosymsha bilim berý uıymynda (mektepten tys jumys ortalyǵy, Oqýshylar saraıy) tamaqtaný uıymdastyrylmaǵan lagerde 45 050 bala demalysyn ótkizedi dep kútilýde. Sonymen qatar Borovoe kýrorttyq aýmaǵyndaǵy lagerlerde jekelengen sanattaǵy otbasylardan 150 balanyń demalysy jáne Astana qalasyna osy sanattaǵy 50 oqýshy, Shymkent qalasyna 50 oqýshy, Túrkistan qalasyna 50 oqýshynyń ekskýrsııasy qarastyryldy, – deıdi Aqjarqyn Mútıǵollaqyzy.
Qala mektepteriniń 1-10 synyp oqýshylaryn jazǵy demalyspen 100 paıyz qamtý kózdelip otyr. Osy maqsatqa aǵymdaǵy jyly memleket qazynasynan 37 684 myń teńge qarjy bólingen.
Qaladaǵy №50 orta mektep janynan ashylǵan «Aq jelken» jazǵy lagerinde qazir 160 oqýshy demalýda.
– №50 orta mektep – qalanyń shetinde ornalasqan mektep. Bul mektepte búginde 1300 oqýshy bar. Qazir birinshi aýysymda lagerde 160 bala demalyp jatyr. Onyń 30-y – jekelegen sanattaǵylar, olar bıýdjet qarjysy esebinen qamtylǵan. Al qalǵan balalar elý paıyz bıýdjet, elý paıyz ata-analardyń qoldaýymen qarjylandyryldy. Olar bir mezgil tamaqtanady, tańǵy 8.30-dan túski 13.30-ǵa deıin lagerde oınap, demalyp, qosymsha bilim alady, túrli úıirmelerge qatysady. Jalpy bıyl úsh aýysymda 300 balany qamtýdy josparlap otyrmyz. Onyń ishinde 30 bala qala syrtyndaǵy lagerge jiberiledi, – deıdi №50 orta mektep dırektory Móldir Jumaǵazıeva.
Bilim uıasy birneshe jyldan beri qala aýmaǵynda mektep oqýshylaryn jaıly lagermen qamtýda birinshi orynda tur. Qazir lagerde mekteptiń jas mamandary tárbıeshi bolyp qyzmet etip júr.
– Alǵashqy maýsymnyń ashylý saltanatynda balalarǵa balmuzdaq taratyldy, ártúrli anımatorlar qonaqqa kelip, oqýshylarǵa erekshe kóńil kúı syılady. Lager kezinde túrli saýyqtyrý baǵytyndaǵy is-sharalar uıymdastyrylyp, balalarǵa esten ketpesteı kóńil kúı syılaýǵa tárbıeshiler shynaıy yqylasyn salýda. Lagerge mektep oqýshylary erekshe qulshynyspen kelip, ózderiniń jazǵy demalysyn osylaısha kóńildi bastady. Qazirgi tańda alǵashqy aýysymda alty topta 160 oqýshy demalyp, ýaqyttaryn tıimdi, kóńildi ótkizip jatyr. Buǵan ata-analar da, mektep ujymy da erekshe qýanyp jatyr. Biz úshin balalardyń qýanyshynan artyq eshteńe joq, – deıdi mektep basshysy.
Aıta ketý kerek, bilim berý uıymdarynda ótken jınalystarda balalardyń qaýipsizdigi, ata-analardyń jaýapkershiligi týraly másele birneshe ret kóterildi. Balalardyń ózen-sýlarǵa eresekterdiń qaraýynsyz barmaýy, sondaı-aq qoǵamdyq oryndardaǵy ózin-ózi ustaý erejeleri túsindirildi. Balalardy saýyqtyrý, bos ýaqyttaryn uıymdastyrý oryndarynda órtke qarsy qaýipsizdik sharalary, sanıtarııalyq-epıdemıologııalyq talaptardy saqtaý qatań qadaǵalanatyn bolady.
