«BİPEK Avto – Aziia Avto» kompaniialar toby direktorlar keŋesınıŋ töraǧasy Anatolii Baluşkin Qylmystyq kodekstıŋ 190-baby, 4-bölıgı, 2-tarmaǧy — «Asa ırı kölemde jasalǧan alaiaqtyq» boiynşa kınälı dep tanyldy, dep habarlaidy "Adyrna" ūlttyq portaly.
Oǧan 9 jyl bas bostandyǧynan aiyru jazasy taǧaiyndaldy. Sonymen qatar, ol 10 jyl boiy kommersiialyq ūiymdarda basşylyq qyzmet atqaru qūqyǧynan aiyryldy. Jazasyn qylmystyq-atqaru jüiesınıŋ ortaşa qauıpsızdık mekemesınde öteitın bolady.
«AZİIа AVTO» AQ-nyŋ bas direktory Erık Saǧymbaev ta Qylmystyq kodekstıŋ 190-baby 4-bölıgı 2-tarmaǧy («Asa ırı kölemde jasalǧan alaiaqtyq») jäne 245-baby 3-bölıgı («Salyq töleuden jaltaru, qylmystyq toppen ne asa ırı mölşerde jasalǧan») boiynşa kınälı dep tanyldy. Oǧan 8 jyl 6 ai merzımge bas bostandyǧynan aiyru jazasy taǧaiyndaldy. Ol da 10 jyl boiy kommersiialyq ūiymdarda basşylyq qyzmetke taǧaiyndala almaidy. Jazasyn ortaşa qauıpsızdık mekemesınde öteidı.
Aiyptaluşylar sot zalynda bolmaǧan. Olarǧa ükım syrttai şyǧaryldy.
Atalǧan qylmystyq ıs boiynşa jäbırlenuşıler retınde Jusan Bank pen İndustriia jäne infraqūrylymdyq damu ministrlıgı (qazırgı – Önerkäsıp jäne qūrylys ministrlıgı) tanylǧan.
Jäbırlenuşı taraptyŋ (Qazaqstan Respublikasynyŋ Önerkäsıp jäne qūrylys ministrlıgı) materialdyq şyǧyndy öndıru jönındegı azamattyq talaby qanaǧattandyrylmady. Ükım älı zaŋdy küşıne engen joq.
Baluşkin men Saǧymbaev 2021 jylǧy tamyzdan berı ızdeude jür. Tergeu nūsqasy boiynşa, olar banktık nesieler men salyqtardan jaltaru maqsatynda 230 mlrd teŋgenı jymqyrǧan. Būl qarjy avtomobilderdı önerkäsıptık jolmen qūrastyru zauytyn saluǧa bölıngen bolatyn.
