Búgin Astana halyqaralyq ýnıversıtetinde ÚEU ókilderi men áleýmettik kásipkerlerdi «Óreli urpaq» áleýmettik kásipkerlik mektebinde arnaıy kýrsta oqytý nátıjeleri boıynsha áleýmettik jobalar baıqaýy ótti dep habarlaıdy Adyrna.kz Ulttyq portaly.
Úsh aı boıy qatysýshylar Qazaqstan Respýblıkasyndaǵy áleýmettik kásipkerlik (bastamalar, jaǵdaılar, tájirıbeler), Qazaqstanda jáne álemdegi áleýmettik kásipkerlikti qoldaý sharalary, kreatıvti oılaý jáne áleýmettik ınnovaııalar, qarjylyq aspektileri, áleýmettik bıznes jáne áleýmettik kásiporyndy basqarý sııaqty máseleler boıynsha trenıngter ótti.
Trenıng qorytyndysy boıynsha mekteptiń úzdik qatysýshylary óz jobalaryn qazylar alqasyna usyndy. Úzdik jobalar aqshalaı syılyqtarǵa ıe boldy, olardyń tabys tarıhy ÚEU akademııasy jobasynyń áleýmettik jelilerinde kórsetiledi. Bul joba Azamattyq bastamalardy qoldaý ortalyǵy men QR Mádenıet jáne aqparat mınıstrliginiń qoldaýymen júzege asyrylýda. Tórtinshi jyl Astana halyqaralyq ýnıversıteti bul baǵyttyń úılestirýshisi bolyp otyr. Osy ýaqyt ishinde 600-den astam ÚEU ókilderi men áleýmettik kásipkerler oqýdan ótip, Mektep sertıfıkattaryn aldy. Osy jyldar ishinde áleýmettik jobalar baıqaýynyń 9 jeńimpazy anyqtaldy.
2024 jyldyń jeńimpazdary: Altynaı Táńirbergenova «Qaıyńnyń qabyǵy arshylǵan shponnan ınnovaııalyq tehnologııa boıynsha qazaqtyń kıiz úılerin jasaý» - 1 oryn (200 myń teńge), Madına Danııarova «Ult qazynasy» etnıkalyq kıim tigý, mádenı murany, ulttyq salt-dástúrdi nasıhattaý boıynsha – 2 oryn (150 000 teńge) jáne Marına Boshel «Bezi isigimen aýyratyn áıelderdiń ekologııalyq saýattylyǵyn jáne áleýmettik beıimdelýin nasıhattaý» jobasymen – 3 oryn (100 000 teńge) aldy.
