Memleket basşysy Qasym-Jomart Toqaev Chevron korporasiiasy direktorlar keŋesınıŋ töraǧasy Maikl Uirttı qabyldady. Būl turaly bügın, 14 säuırde Aqordanyŋ baspasöz qyzmetı jazdy, dep habarlaidy «Adyrna» tılşısı.
Kezdesu barysynda prezident pen amerikalyq Chevron energetikalyq korporasiiasy direktorlar keŋesınıŋ töraǧasy strategiialyq ärıptestıktıŋ qazırgı ahualy men perspektivasyn talqylady.
Memleket basşysy Chevron kompaniiasymen serıktestık elımızdegı energetika salasyn tūraqty damytuda negızgı röl atqaratynyn atap öttı.
Qasym-Jomart Toqaev Maikl Uirttı «Teŋız» ken ornyn keŋeitu jobasynyŋ tabysty aiaqtaluymen qūttyqtady.
Kezdesude ırı investisiialyq jobalarǧa, sonyŋ ışınde gaz jäne mūnai himiiasy öndırısıne erekşe nazar audaryldy.
Prezident otandyq kompaniialardyŋ mūnai-gaz sektoryndaǧy ülesın arttyrudyŋ özektılıgın atap ötıp, Chevron kompaniiasymen özara tiımdı ärı ūzaq merzımdı yntymaqtastyqty tereŋdetuge daiyn ekenıne toqtaldy.
Maikl Uirt Qazaqstan kompaniianyŋ strategiialyq ärı senımdı serıktesı bolyp qala beretının jetkızdı. Sondai-aq «Teŋızşevroil» bırlesken käsıporny 1993 jyldan 2024 jylǧa deiın elımızge aitarlyqtai investisiia salǧanyn aitty.
