بۇگىن استانا حالىقارالىق ۋنيۆەرسيتەتىندە ۇەۇ وكىلدەرى مەن الەۋمەتتىك كاسىپكەرلەردى «ورەلى ۇرپاق» الەۋمەتتىك كاسىپكەرلىك مەكتەبىندە ارنايى كۋرستا وقىتۋ ناتيجەلەرى بويىنشا الەۋمەتتىك جوبالار بايقاۋى ءوتتى دەپ حابارلايدى Adyrna.kz ۇلتتىق پورتالى.
ءۇش اي بويى قاتىسۋشىلار قازاقستان رەسپۋبليكاسىنداعى الەۋمەتتىك كاسىپكەرلىك (باستامالار، جاعدايلار، تاجىريبەلەر), قازاقستاندا جانە الەمدەگى الەۋمەتتىك كاسىپكەرلىكتى قولداۋ شارالارى، كرەاتيۆتى ويلاۋ جانە الەۋمەتتىك يننوۆاتسيالار، قارجىلىق اسپەكتىلەرى، الەۋمەتتىك بيزنەس جانە الەۋمەتتىك كاسىپورىندى باسقارۋ سياقتى ماسەلەلەر بويىنشا ترەنينگتەر ءوتتى.
ترەنينگ قورىتىندىسى بويىنشا مەكتەپتىڭ ۇزدىك قاتىسۋشىلارى ءوز جوبالارىن قازىلار القاسىنا ۇسىندى. ۇزدىك جوبالار اقشالاي سىيلىقتارعا يە بولدى، ولاردىڭ تابىس تاريحى ۇەۇ اكادەمياسى جوباسىنىڭ الەۋمەتتىك جەلىلەرىندە كورسەتىلەدى. بۇل جوبا ازاماتتىق باستامالاردى قولداۋ ورتالىعى مەن قر مادەنيەت جانە اقپارات مينيسترلىگىنىڭ قولداۋىمەن جۇزەگە اسىرىلۋدا. ءتورتىنشى جىل استانا حالىقارالىق ۋنيۆەرسيتەتى بۇل باعىتتىڭ ۇيلەستىرۋشىسى بولىپ وتىر. وسى ۋاقىت ىشىندە 600-دەن استام ۇەۇ وكىلدەرى مەن الەۋمەتتىك كاسىپكەرلەر وقۋدان ءوتىپ، مەكتەپ سەرتيفيكاتتارىن الدى. وسى جىلدار ىشىندە الەۋمەتتىك جوبالار بايقاۋىنىڭ 9 جەڭىمپازى انىقتالدى.
2024 جىلدىڭ جەڭىمپازدارى: التىناي تاڭىربەرگەنوۆا «قايىڭنىڭ قابىعى ارشىلعان شپوننان يننوۆاتسيالىق تەحنولوگيا بويىنشا قازاقتىڭ كيىز ۇيلەرىن جاساۋ» - 1 ورىن (200 مىڭ تەڭگە), مادينا دانياروۆا «ۇلت قازىناسى» ەتنيكالىق كيىم تىگۋ، مادەني مۇرانى، ۇلتتىق سالت-ءداستۇردى ناسيحاتتاۋ بويىنشا – 2 ورىن (150 000 تەڭگە) جانە مارينا بوشەل «بەزى ىسىگىمەن اۋىراتىن ايەلدەردىڭ ەكولوگيالىق ساۋاتتىلىعىن جانە الەۋمەتتىك بەيىمدەلۋىن ناسيحاتتاۋ» جوباسىمەن – 3 ورىن (100 000 تەڭگە) الدى.
