Qazaq gaz óńdeý zaýytynyń burynǵy dırektory Bolat Baıshýaqov sottaldy. Bul týraly búgin, 14 sáýirde Sybaılas jemqorlyqqa qarsy is-qımyl agenttigi aıtty, dep habarlaıdy «Adyrna» tilshisi.
Eks-basshy kásiporynnyń senip tapsyrylǵan múlkin aýkıon ótkizbesten zańsyz satý jáne túsken qarajatty ıemdený arqyly iri mólsherde jymqyrǵany úshin kináli dep tanylǵan.
«Ol 4 jylǵa bas bostandyǵynan aıyryldy jáne ómir boıy memlekettik qyzmette jáne kvazımemlekettik sektor sýbektilerinde qyzmet atqarý quqyǵynan aıyryldy. Sot aktisi zańdy kúshine engen joq»,—delingen habarlamada.
Aıta keteıik, 2023 jyly aqpan aıynyń basynda Bolat Baıshýaqov «Qazaq gaz óńdeý zaýyty» AQ dırektory bolyp taǵaıyndalǵan edi. 2024 jyldyń tamyzynda onyń jemqorlyq boıynsha kúdikke ilingeni belgili boldy. Sol kezde burynǵy dırektor memleketke 65 mln teńge zalal keltirgeni aıtyldy.
