Qazaq gaz öŋdeu zauytynyŋ būrynǧy direktory Bolat Baişuaqov sottaldy. Būl turaly bügın, 14 säuırde Sybailas jemqorlyqqa qarsy ıs-qimyl agenttıgı aitty, dep habarlaidy «Adyrna» tılşısı.
Eks-basşy käsıporynnyŋ senıp tapsyrylǧan mülkın auksion ötkızbesten zaŋsyz satu jäne tüsken qarajatty iemdenu arqyly ırı mölşerde jymqyrǧany üşın kınälı dep tanylǧan.
«Ol 4 jylǧa bas bostandyǧynan aiyryldy jäne ömır boiy memlekettık qyzmette jäne kvazimemlekettık sektor subektılerınde qyzmet atqaru qūqyǧynan aiyryldy. Sot aktısı zaŋdy küşıne engen joq»,—delıngen habarlamada.
Aita keteiık, 2023 jyly aqpan aiynyŋ basynda Bolat Baişuaqov «Qazaq gaz öŋdeu zauyty» AQ direktory bolyp taǧaiyndalǧan edı. 2024 jyldyŋ tamyzynda onyŋ jemqorlyq boiynşa küdıkke ılıngenı belgılı boldy. Sol kezde būrynǧy direktor memleketke 65 mln teŋge zalal keltırgenı aityldy.
